由於丫媽都係d中式人，搵得佢食飯最好食中餐佢會比較開心，但我又想乾淨舒服咁坐，而彩福就岩灑我地兩個心水，唔知係咪新裝修，環境寬敞，所有嘢都好新淨，我哋約七點去到已經要等位，不過等咗15分鐘就有枱！
我哋一早睇定食乜嘢！叫咗一個主菜魚，嚟咗一個魚皮小食，配白飯加啤酒😋，最後仲嗌咗兩款甜品，小魚芒果布甸同埋生日必點嘅壽包😍
魚: 蒸得啱啱好，食得出好新鮮即整，醬汁一如以往中式口味非常到位，性價比高都係$128
魚皮小食: 用青花椒果粒炮製，非常惹味，足足可以送一碗飯，魚皮非常彈牙，直頭想叫多碟
啤酒做緊優惠，嘉士伯都係$19一支，啱晒我哋兩個份量
小魚布甸，一如以前口味，加多花奶😋
壽包: 我發現原來幾多人去酒樓慶祝生日，見到隔離兩台兩圍都叫咗一籠好大嘅壽包，打開嗰下有震懾到，不過我哋兩個人食唔到咁多，只叫你兩個，份量好大，但個蛋黃太硬，包皮也沒有很鬆軟，不過儀式感一定要叫
最終埋單$351吾貴，下次可以叫齊屋企人食多幾款菜！正！
