馬來一菜館

营业中

休息中

餐廳位於酒店內，環境比想像中高級同優雅。設計簡約，光線帶暗，坐位寬敞且有空間感，感覺舒適。菜式選擇唔算多，大部份價錢於$100內，以酒店餐廳嚟講價錢算合理。我哋研究咗一陣都仲未決定到食嘜，侍應主動向我哋解釋及介紹菜單。最後我哋亦order咗佢介紹嘅菜色。上菜快到得人驚，好似一早已煮好咁…檳城亞參叻沙侍應話呢款叻沙較特別，其他地方未必有得食。魚湯底，湯唔算濃，帶酸及微辣。其實我就覺得味道一般。配料只有菠蘿及青瓜等配菜。米線太淋，冇嘜口感。檳城福建蝦麵湯較濃，微辣及帶蝦味，相對較惹味。粉包括油麵及米粉，粉軟硬度適中。另有秘製辣醬，加入粉後更能提升惹味程度。配菜冇叻沙咁單調，有豬肉，感覺豐富點。巴東牛肉雖然賣相麻麻，但味道唔錯。富有濃濃嘅香料及椰汁味，加上肉質鬆軟，配搭白飯一樓。沙嗲串燒牛肉及雞肉都入味且淋，值得讚嘅係個沙嗲醬，味道相當濃郁；沙嗲味恰到好處，加上充滿花生粒，啖啖有咬口。配合肉質鬆軟嘅串燒，配拾得宜。總括嚟講呢度食物味道其實唔錯，不過唔夠熱。而食物portion較細，好似個叻沙咁，份量比食buffet嘅麵檔還細，所以order多幾款都ok。