影片
更多
2011-10-21
114 浏览
今日下午出完街, 忽然想食佢哋既麵, 所以走咗入去叫咗碗牛雜麵 (走肺, 因個人覺得比較污糟).之前都想寫架嘞, 但係時時都唔記得(開始老人痴呆症了)講返個麵先:湯: 廣東雲吞湯味, 仲要係自家煲既 (佢煮麵個位有個長身大鋼桶, 原來用黎煲湯架) 呢個真係比較唔易搵, 因好多都係潮州湯底, 魚湯底, D湯可能係交黎....加埋五香汁, 味道豐富咗好多. 之但係可能個五香汁既問題, 個湯稍稍有苦味.牛膀(3件): 稍嫌表層個膜好似厚咗少少 (上次食都係咁), 但味道OK.牛腸(2件): OK啦, 唔會過稔.金錢肚(好似3-4件): 夠軟身, 好味而食食下個口感覺到有陳皮既味道, 同埋食到有少少薑塊, 相信係來自五香汁...麵: 夠彈同爽口.整體黎講都唔錯, 只不過煮麵位老兄要舀湯(從大鋼桶舀到細水桶), 唔知乜原因, 之但係因為咁就要多等少少時問先有得食, 加上佢舀完湯見唔到佢有洗手就攞碗淥麵了, 所以扣D分啦...順帶一提, 佢哋近排又加價了, 盛惠15大元, 不過在同區內仍算最便宜, 不過冇以前咁便宜了...
之前都想寫架嘞, 但係時時都唔記得(開始老人痴呆症了)
講返個麵先:
湯: 廣東雲吞湯味, 仲要係自家煲既 (佢煮麵個位有個長身大鋼桶, 原來用黎煲湯架) 呢個真係比較唔易搵, 因好多都係潮州湯底, 魚湯底, D湯可能係交黎....加埋五香汁, 味道豐富咗好多.
之但係可能個五香汁既問題, 個湯稍稍有苦味.
牛膀(3件): 稍嫌表層個膜好似厚咗少少 (上次食都係咁), 但味道OK.
牛腸(2件): OK啦, 唔會過稔.
金錢肚(好似3-4件): 夠軟身, 好味
而食食下個口感覺到有陳皮既味道, 同埋食到有少少薑塊, 相信係來自五香汁...
麵: 夠彈同爽口.
整體黎講都唔錯, 只不過煮麵位老兄要舀湯(從大鋼桶舀到細水桶), 唔知乜原因, 之但係因為咁就要多等少少時問先有得食, 加上佢舀完湯見唔到佢有洗手就攞碗淥麵了, 所以扣D分啦...
順帶一提, 佢哋近排又加價了, 盛惠15大元, 不過在同區內仍算最便宜, 不過冇以前咁便宜了...
张贴