豉椒排骨飯，勁撈潤志辣椒油超級好味，辣椒油浸排骨飯，勁辣好刺激，辣能使您有一點點愉快感覺！飯粒乾爽飽滿嚥韌，配埋清香甜豉油，將色香味推至更高境界﹗排骨香甜肉多骨少，軟綿而醃味醇美，半肥瘦骨少肉多啖啖都係肉。黏滑鬆軟且濕潤，跟甜豉油撈飯一齊塞入口，滿足幸福不能言喻﹗食都乾乾淨淨，連個發泡膠盒都想吞埋去呀。
北菇滑雞飯，大大舊無骨雞球食得方便舒服﹗靚靚豉油撈飯搭載甜美嫩滑香噴噴雞球，野蠻而快速地不停輸送，實在過份美味 ﹗食得豪氣暢快。飲醉繼續自動走去買宵夜，想肥死我咩！一定要係我 AI 系統中刪除依個任務呀。
咸魚肉餅飯，辣椒油撈咸魚肉餅飯加四寶雞紮，全部食晒一半飯無得剩，飽到癲左！只怪您過份美味。先將辣椒油及甜豉油跟白飯撈得均勻細緻，再搗碎咸魚肉混在豉油撈飯中，最後讓肉餅躺在嚥韌的飯上或雞柳或魚肚或腐皮，擦出不同的火花，撞出各有特色的味道，全部都係天堂的味道﹗肉餅幼嫩彈牙有趙口，醃味得直可口，豬肉味清甜，油脂醒胃醒神。
四寶雞紮，檢查睇睇一二三？只有魚肚、芋頭、雞柳，何解少左樣既？而且我唔食芋頭架。堅係魚肚，不是豬皮扮魚肚非常好。綿綿多汁而帶微爽，索盡所有食材的精華，味道格外可口﹗滑滑腐皮捲著結實雞彈品嚐，半彈少少乾還可以，味道也不錯。
乾蒸燒賣，結實肉球濕潤不散，無肥膏實在太好喇 ﹗不會食到成口油淋淋，而且豬肉味特濃非凡，滿分無投訴！水晶蝦餃，味道質地都麻麻地，外皮極厚，硬而粉黏，蝦仁微爽不過不失不過咸，悶悶地吃掉。
豉椒蒸排骨，何解全部食肆排骨飯中既排骨會比排骨高質更好食呢？因為同飯一齊蒸會產生獨特而神秘既化學反應？變得豬肉更香更甜更鬆軟？骨多肉少黏著大量肥膏，趙落油淋淋，跟排骨飯既排骨差天共地。
鮮竹卷，無我討厭的芹菜及芫茜都好 ﹗紮得結實不鬆散，餡粒塞得滿滿，啖啖肉搭鮮甜蔬菜。蠔油味甜而香濃不濁，腐皮索盡汁液爽口滑滑，梗係好食啦！鵪鶉蛋燒賣，招牌點心非食不可﹗肉球多少彈彈味濃，撞上乾身甘香鵪鶉蛋黃，反差有趣特別，味道夾得天衣無縫，連啪三粒都唔夠喉啊 ﹗
山竹牛肉，肉球一開二讓她們攝取更多喼汁，酸酸甜甜格外開胃，增進食慾 ﹗外彈內淜的牛肉，輕輕的牛肉味泛著時蔬的甜。鴨腳紮，突然身痕點黎試試，平時都唔會主動叫黎食。肉球腍劈劈油淋淋，鬆散不結實，味道不喜歡。鴨腳皮爽脆沒怎麼的味道，損腳指沒大感想。薑蔥蒸牛柏葉，點解青咇咇顏色既，中毒？味道陰沉，爽爽唔難食。
豉汁蒸金錢肚，雖則有蘿蔔墊底，但有渣不甜呢。金錢肚就十分出色，爽彈震騰騰，炆得極為入味，配豉油撈飯同塞，格外惹味﹗叉燒腸粉，棉胎般厚的粉皮，夠份量一定飽肚。零星的叉燒蓉，失望。鯪魚球，加胡椒粉豉油都幾好食喎 ﹗結實不腥，食得到鯪魚獨特的鮮氣。豉汁蒸鳳爪，大力一啜骨肉分離，甜甜豉汁跟爽脆雞皮雞肉結合，損得過癮，味道可口。
