二鍋頭 (福苑)

营业中

休息中

好耐冇食雞煲啦，之前食過二鍋頭覺得佢又抵食又高質，今次帶埋朋友過嚟試試！$258一位可以任食雞煲、鴨煲、豬手煲、羊腩煲同火鍋，超級抵食！今次我主要食咗雞煲同火鍋，好滋味，好飽。一坐低店員就會端上豉油同配料，並且會介紹每個套餐，非常貼心。二鍋頭惹味雞煲今次總共食咗兩round雞煲。雞煲有分辣度，我第一次食咗少少辣，第二次食咗唔辣。雞煲調味非常惹味，雞件大件又多肉。鳳爪吸滿雞煲嘅醬，好入味。少少辣嗰款越食越辣，而且帶點麻香，好過癮。第二round唔辣嘅雞煲比較濃味，而且有好多洋蔥等配料，好吸汁，非常好味。嚴選安格斯牛套餐 食完雞煲就可以轉爐打邊爐，火鍋湯底選擇非常豐富，有成九款。我哋食完雞煲想清清地，所以揀咗蕃茄薯仔濃湯鍋，入邊有啲蕃茄、薯仔同芹菜。除咗QR code落單（主要係肉類同海鮮），外面自助吧都有多款丸類、蔬菜選擇。食物選擇非常豐富，而且係任食。安格斯牛板腱油花分佈平均，牛味濃郁。安格斯封門柳厚少少，識落帶點咬口。水魷魚非常爽脆。蜆肉脹卜卜，有鮮味。另外仲攞咗啲魚片頭同魚蛋，味道唔錯～除咗上述食物，飲品同雪糕都係飲食！飲品方面我最鍾意鴻福堂嘅清熱飲品，啱晒食雞煲嗰陣飲。雪糕有朱古