小皇子冰室

觀塘成業街嘅「小皇子冰室✨」餐廳座位寬闊舒適，食品選擇多，有常餐、鐵板餐、焗飯、各樣炒粉麵，款式應有盡有，晚市小菜套餐非常抵食，中式老火湯、小菜、白飯及餐飲都只係70幾蚊起，非常抵食又好味。

🍜 鑊氣乾炒牛河
牛肉夠嫩，河粉炒得條條分明，鑊氣十足🔥，香口又唔油膩。

🍲 XO豬扒炒烏冬
XO醬香濃惹味，豬扒煎得外脆內嫩，配埋煙韌彈牙嘅烏冬，真係一流🤩。

🧀 芝士鮮茄焗豬扒飯
焗飯上面鋪滿芝士🧀，拉絲效果超吸引，茄汁酸甜平衡，豬扒份量足，食到好滿足。

🥣 羅宋湯牛肉通粉
湯底酸酸甜甜，牛肉軟腍，通粉吸晒湯汁，暖笠笠好舒服❤️。

🍞 懷舊花生醬西多士
外脆內軟，花生醬香濃，配埋牛油同煉奶，真係邪惡到極點🤤

小皇子冰室無論係正餐定小食都好有水準，價錢合理，份量足，下次會再去！✨