🍲 鐵鍋牛肉便當 配上海苔芝麻飯，擺盤夠靚，一上枱就聞到香味。牛肉用咗金錢展、牛肋條、牛筋同滷蘿蔔，各有特色：金錢展滑嫩、牛肋條有咬口、牛筋燉得夠腍又彈牙，滷蘿蔔吸晒湯汁，清甜又夠味。放喺小爐上慢慢煮，唔怕凍，湯底濃郁，配埋海苔芝麻飯，真係好滿足。
🍜 總鋪師牛肉麵 都係用返金錢展、牛肋條、牛筋，再加埋牛肚絲，湯底啱啱好，唔會太鹹，麵條彈牙，食落夠晒層次。
🍗 嚟到台式食店，點可以唔叫 鹽酥小食拼盤 ？鹽酥雞、脆薯、花枝丸一齊上，外脆內嫩，香口惹味，啱晒配杯飲品慢慢嘆。
🍢 魚酥皮蛋豆腐 都幾有驚喜，豆腐滑，皮蛋夠香但唔膩，魚酥鹹香中帶層次，幾有心思。
🥤 飲品方面， 愛玉檸檬凍飲 夠清爽， 感恩珍珠奶茶 香濃順口，珍珠煙韌，甜度適中。
🏠 成間店 裝修企理 ，環境舒服，員工又有禮貌，整體用餐體驗好唔錯，值得再嚟！
1
3
4
4
