芝加哥串燒酒場 (太和中心)

突然興起想食串燒，揀左呢間又有串燒食又有酒飲，岩哂同朋友感覺吹水。串燒選擇好多😍蔥燒半殼扇貝｜扇貝大大粒，肉質鮮甜，加埋香蔥更突顯鮮味🤤香蒜蔥花廣島蠔｜廣島蠔脹卜卜😍蠔身肥美多汁，完全無腥味！鹽燒牛舌心｜外層燒至微脆帶焦香，肉質爽口有嚼勁，必食推介❤️芝士黑松露大啡菇｜呢個超好食🥰大啡菇入口係超juicy，黑松露味好濃郁，配埋流心蛋同拉絲芝士，味道好豐富。招牌茄子燒｜茄子好大條😍面層鋪滿蔥花同蒜蓉，加埋孜然粉好惹味。雞皮餃子｜朋友大讚既串燒🤣雞皮油香十足，餃子餡料飽滿，仲加左軟骨，口感爽脆👍🏻明太子玉子燒｜玉子燒軟綿濕潤，蛋香味十足，配埋明太子辣辣地，令人食唔停口🤤招牌燒法國鵝肝｜全晚最邪惡既食物🤭鵝肝有炸過。外脆內軟，外層好香脆😋一口和牛燒｜牛味好濃郁，肉質軼腍，入口油香十足👍🏻串燒其實全部都好好食🥰同埋價錢合理。特別一提佢個花生係有味既花生，好出色，完全係一粒接一粒咁食😂#大埔美食#大埔#酒吧#串燒#宵夜#食好西#玉子燒#鵝肝#海鮮#hkfoodie#hkfood#hkfoodblogger