影片
更多
2007-05-23
3 浏览
有朋自遠方來,洗塵宴選擇鄰近酒店既cafe marco,希望大家食餐勁的=p訂位時只可排waiting list,幸好下午來電有位,真好!餐廳同連卡佛為鄰,地方雖然唔算太大,但檯椅距離頗闊落,唔會好迫,感覺良好。等候朋友期間,侍應捧來"有機麵包"半個,麵包香脆可口,好香麵包味,塗上牛油之後,更加美味!!熱盤試左海南雞味道淡,雞肉唔滑;龍脷柳質感唔錯,因無沾汁關係,唔太記得個汁味道;印式咖喱羊配烤餅,咖喱汁味道香辣,好惹味!羊肉粒好碎但味道模糊,配上咖喱汁就問題不大;烤餅溫度稍降,幸仍算香脆,食完好飽;最好味為芥茉蜜糖汁羊髀,羊肉有羊味,肉質鬆軟,配上甜甜芥茉蜜糖汁,個人認為好味道!如果芥末味道可重d更好,而家有點過甜。魚生試左三文魚切得幾靚,魚肉肥美可口,幾好!吞拿魚就唔多好,魚味好淡,雖然無筋但真係唔好食;北寄貝壽司望落好迴轉壽司feel,食一件算數。夾左菠菜、生菜、麵包粒自製凱撒沙律,幾款沙律菜相當新鮮,味道爽口鮮甜,加上香脆麵包粒n沙律醬,清清胃口相當唔錯!!只可惜後期至見到有黑醋n橄欖油,失敗!!甜品counter仍舊逗留得最耐,tiramisu芝味香濃軟滑,但無手指餅所以未算
訂位時只可排waiting list,幸好下午來電有位,真好!餐廳同連卡佛為鄰,地方雖然唔算太大,但檯椅距離頗闊落,唔會好迫,感覺良好。
等候朋友期間,侍應捧來"有機麵包"半個,麵包香脆可口,好香麵包味,塗上牛油之後,更加美味!!
熱盤試左海南雞味道淡,雞肉唔滑;龍脷柳質感唔錯,因無沾汁關係,唔太記得個汁味道;印式咖喱羊配烤餅,咖喱汁味道香辣,好惹味!羊肉粒好碎但味道模糊,配上咖喱汁就問題不大;烤餅溫度稍降,幸仍算香脆,食完好飽;最好味為芥茉蜜糖汁羊髀,羊肉有羊味,肉質鬆軟,配上甜甜芥茉蜜糖汁,個人認為好味道!如果芥末味道可重d更好,而家有點過甜。
魚生試左三文魚切得幾靚,魚肉肥美可口,幾好!吞拿魚就唔多好,魚味好淡,雖然無筋但真係唔好食;北寄貝壽司望落好迴轉壽司feel,食一件算數。
夾左菠菜、生菜、麵包粒自製凱撒沙律,幾款沙律菜相當新鮮,味道爽口鮮甜,加上香脆麵包粒n沙律醬,清清胃口相當唔錯!!只可惜後期至見到有黑醋n橄欖油,失敗!!
甜品counter仍舊逗留得最耐,tiramisu芝味香濃軟滑,但無手指餅所以未算正宗;雲石芝士餅朱古力味道好濃,唔太食到芝士味,質感偏淋,個人不太喜歡;芒果雪糕好香芒果味,唔知係什麼牌子??另一邊更有雪葩,只係味道唔太對口味,都係食雪糕算;豆腐花意外地香滑,雖然無我鐘意個陣焦味,但都有豆香味,唔錯!!芒果布丁細細杯,好可愛!!用上印度芒果製成,所以味道較濃香同特別。
除以上食物之外,無試到湯、pizza同海鮮,見到一盤盤蟹腳不斷補充,鐘意食蟹腳既朋友最fit。
自己飲熱檸檬茶解肥膩,普普通通lu!!聞到朋友杯咖啡味道頗香,佢都話幾好飲!
服務方面,幾位侍應態度有禮又有笑容,我跌左把遮都會主動幫我放番好,有水準。
以五星級酒店黎講,呢度食物選擇真係唔多,但又未至於貴精不貴多地步,幸而membership有折,一試無妨。
张贴
