新羅寶韓國餐廳

营业中

休息中

同朋友9:40pm到，餐廳10:00 last order，入到去已經好唔想接，可能怕阻住收工，但如果唔接可以講聲，坐低左無人理咁，嗌斟水嗌左三次，有好多侍應，但無人理。叫左個$600二人套餐。前菜一般，泡菜好乾好澀。菜類豐富，適合夾肉食。啲肉醃得好好，帶少少甜味，牛肉新鮮多汁，好味唔鞋口。好少餐廳豬肉都做得好食，依家啲豬扒好好食，燒完出黎軟稔稔，有少少脂肪，燒果時迫左d油脂出黎好香。韓國粉絲，調味做得幾好，唔會過咸或者淡而無味，炒得有鑊氣，粉絲好爽口，加埋菠菜幾好食。石頭飯落咗韓式辣醬都無乜味，一pat野咁太濕，食唔晒，因為唔好食。餐廳d肉醃得好，幾好味，但服務一般，無人理咁樣。下次早少少黎試下。