影片
更多
2022-09-26
67 浏览
難得有假放，但暫時未有得去旅行，所以決定去遠少少，嚟到馬灣感受下慢活節奏。門口擺滿花草，感覺好舒服自然。餐廳佈置咗好多土耳其特色嘅燈飾同擺設，色彩繽紛，有濃濃嘅異國風情。土耳其雞肉烤餅（$178）餅皮下包裹住好多雞肉👍🏻，雞肉唔會老，而且有土耳其香料香味。配有大量沙律菜、蕃茄仔、粟米粒、椰菜絲，食落好清爽，醬汁好開胃。特色園池素雞包($128）非常健康，食材新鮮。素雞煎到金黃色，食落好煙靭，有豆香味，面頭嘅紅蘿蔔沙律係畫龍點睛之處，令到成個包更豐富。拉絲小麥蛋糕（$88）甜品方面試咗個土耳其特色嘅蛋糕，本身以為會好濕，但原來都幾有咬口。蛋糕有大量椰絲同芝士，但出奇哋唔會好膩，反而想繼續食。芝士做到拉絲效果，啱晒影相😆Bear Coffee Ice ($48）(Lemon Soda)超級解渴嘅一杯飲品，檸檬酸酸甜甜，梳打好夠汽，飲到咁上下加隻熊仔咖啡冰落去，咖啡好香，一齊飲幾得意。土耳其熱沙上煮咖啡（$80）一場嚟到，當然要試下煮土耳其咖啡啦，咖啡壺擺喺熱沙上烹調幾有特色。而且可以著上土耳其民族風嘅衫試煮，影相打卡一流。咖啡粉磨到好幼細，襯熱飲咖啡味香濃，一啖咖啡一啖土耳其軟糖，感受下土
門口擺滿花草，感覺好舒服自然。餐廳佈置咗好多土耳其特色嘅燈飾同擺設，色彩繽紛，有濃濃嘅異國風情。
土耳其雞肉烤餅（$178）
餅皮下包裹住好多雞肉👍🏻，雞肉唔會老，而且有土耳其香料香味。配有大量沙律菜、蕃茄仔、粟米粒、椰菜絲，食落好清爽，醬汁好開胃。
特色園池素雞包($128）
非常健康，食材新鮮。素雞煎到金黃色，食落好煙靭，有豆香味，面頭嘅紅蘿蔔沙律係畫龍點睛之處，令到成個包更豐富。
拉絲小麥蛋糕（$88）
甜品方面試咗個土耳其特色嘅蛋糕，本身以為會好濕，但原來都幾有咬口。蛋糕有大量椰絲同芝士，但出奇哋唔會好膩，反而想繼續食。芝士做到拉絲效果，啱晒影相😆
Bear Coffee Ice ($48）(Lemon Soda)
超級解渴嘅一杯飲品，檸檬酸酸甜甜，梳打好夠汽，飲到咁上下加隻熊仔咖啡冰落去，咖啡好香，一齊飲幾得意。
土耳其熱沙上煮咖啡（$80）
一場嚟到，當然要試下煮土耳其咖啡啦，咖啡壺擺喺熱沙上烹調幾有特色。而且可以著上土耳其民族風嘅衫試煮，影相打卡一流。咖啡粉磨到好幼細，襯熱飲咖啡味香濃，一啖咖啡一啖土耳其軟糖，感受下土耳其咖啡文化。
张贴
