玄米茶廳

营业中

休息中

平時諗起茶記都會覺得價格會優惠夠平民化,估唔到尖沙咀既遊客區都有,同朋友二人食,叫咗幾樣食物,諗住舒服坐下傾下計,難得店員又唔會摧你走,慢慢嘆!先叫個XO醬海蝦球滑蛋飯,夠晒大碟全部大大隻既海蝦都有好多隻,配埋滑蛋加XO醬好香口,之後再叫個淨雲吞,大大粒雲吞都係大大隻蝦,好有口慼,依間茶記都幾足料,估唔到,最後再叫個四寶飯,熱辣辣上枱,先食個叉燒,有咬口,肥瘦適中,欣賞幾好味,油雞就夠滑口唔會老,再睇睇餐牌原來仲有好多選擇,佢地有至尊燒鵝,見到門口掛出嚟滴晒油,下次要嚟食,又有焗飯,係我最喜歡既懷舊經典焗豬扒飯真係要嚟試!眼見都幾多遊客幫襯，待應都人手充足👍