赤柱少人過淺水灣，淺水灣好多狗呀！🐶
當時，我就係諗住未到夏天，少人去淺水灣游水，其實帶狗香港人都唔少呀！我完全低估了！
在淺水灣，我首選是位於 The Pulse 的海旁咖啡店 <The Coffee Academics>！
餐廳設計大開中門，麻雀仔隨時飛入來，好可能在食客腳旁跳來跳去，我就是發現我對鞋附近有麻雀仔，
然後，跳到大門一飛衝天！ 牠們動作快好難影相！
好奇的狗又會走入來！哈哈！相當熱鬧呀！
1
對住耀眼的太陽光及淺水灣泳灘，環境優美，令人心曠神怡！
由走入到離開，3 位女店員服務態度都好好！
落單付款後，順便問靚女店員，最近洗手間喺邊度？她建議出面公廁，果然好近；
她強調商場洗手間只有兩格，週末多人可能要排隊嘞！
至於商場上層，女洗手間有5格，衛生程度比公廁好得多！
淺水灣食嘢，幸運搵到張靚景枱，帶狗食客剛剛走！
Menu
1
5
5
1
4
4
8
飲品及食物於落單後10分鐘送齊！
Dirty Mocha $48
熱咖啡加凍朱古力，賣相層次分明！
杯邊加上朱古力粉，入口先嚐到甘香順喉的咖啡，涼浸浸又未至於冰凍透心涼！
拌勻底部的凍朱古力，帶出輕微的香甜！
整體香滑、甘中微甜！
Parma Ham Egg Benedict $138
英式鬆餅好燶，
以配料掩蓋；我睇到無理由唔出聲！
當靚女店員收走碟時，我順便話佢知，叫師傅留意一吓啦！
我根本只可食到半件！
嚐到僅僅的半件英式鬆餅，溫熱煙韌，荷蘭汁酸香醒胃不膩滯，
配巴馬火腿份量豐足，看起來幾油潤，卻是質感帶韌勁！油潤不太鹹的巴馬火腿與淡味的雞蛋，一濃一淡口味平衡，賓尼迪蛋火候恰到好處，輕輕用叉𠝹開，已有流心效果！ 伴碟的沙律菜新鮮爽脆！淋上黑醋開胃健康！
伯爵茶千層蛋糕 $52
略嫌千層每層略厚，甜度稍微！伯爵茶味尚算突出！
