兆和茶餐廳

营业中

休息中

兆和茶餐廳和隔離蘭州拉麵皇其實是同一老闆，其實我一向覺得蘭州拉麵皇更有特色。今日想食下午茶，在門口諗緊去邊間，侍應好主動地拉客，我地都唔想再諗而入左去。正值下午茶時間，唔想吃太飽而晚上食唔落，所以三個人叫左兩個餐。先黎一個香煎雞扒薯條，一個煎薄牛扒薯條，一黎已心知不妙，雞扒很細，應該唔夠飽。牛扒好明顯是岩岩煎好，上面ｄ油仲係起泡中，當然食得呢ｄ下午茶都唔會預有幾健康了。薄牛扒是小時候快餐店的特色扒，呢度做得都唔錯，易切之餘，仲有少少牛味保留到；雞扒不計細塊的話，也算正常貨色，雞肉唔鞋，也合格了。薯條是快餐店愛用的粗身紐紋薯條，香口夠脆，即炸起都唔會衰得去邊。最後都係覺得唔夠喉，另叫左一個西多士。下午茶餐一個要$21，單點一件西多士只需$12，即係話一杯熱飲要$9，唔值叫餐，單點好了。西多士明顯地多蛋漿，中間是花生醬，熱辣辣，分甘同味特別好味。這個下午茶，味道正常，但唯獨份量少了點。通脹猛於虎，看來這情況會維持好一陣子呢。