影片
更多
2022-09-28
801 浏览
酒吧區小Cafe 時光逆流 老實如果我係經過呢間cafe 我諗我唔會第一時間入黎，點解會黎完全係因為佢個名！我覺得佢個名好有詩意呢間Cafe 主打日式主食同埋甜品，另外仲有啲特飲都幾靚～ 📍月亮與六便士 The Man & six pence 用一杯cocktail杯裝嘅咖啡，咖啡極具層次，底層有香濃嘅朱古力，再嚟就有茶味芳香嘅伯爵茶，喺杯中仲有一粒奶味濃郁嘅奶冰，最後仲伴隨一shot espresso。首先可以只品嘗伯爵茶嘅味道，再等奶球嘅融化，品嘗一下西式嘅奶茶嘅味道，之後就開始倒入espresso，就會有西式鴛鴦嘅味道，最後連同底部朱古力攪勻，多種元素融為一體，味道會變得更為豐富。📍青海 一杯好清新嘅飲品，有青蘋果同埋西柚，所以顏色亦會呈現綠色，用嚟打卡都係唔錯嘅選擇。📍酒釀雞卷定食 呢度嘅定食好豐富，包括有關東煮、胡麻醬撈烏冬、一款嘅漬物，當然仲有主角酒釀雞卷。雞卷所用嘅雞係用雞髀肉，肉質軟嫩多汁，酒味濃香醇厚，夠哂入味。關東煮有蘿蔔、芋絲、日本腐皮，全部都係好入味，吸收哂湯嘅精華。📍Rev Time Signature Cake今日嘅蛋糕係用三種不同嘅元素所配搭，分別有酸甜嘅
老實如果我係經過呢間cafe 我諗我唔會第一時間入黎，點解會黎完全係因為佢個名！我覺得佢個名好有詩意
呢間Cafe 主打日式主食同埋甜品，另外仲有啲特飲都幾靚～
📍月亮與六便士 The Man & six pence
用一杯cocktail杯裝嘅咖啡，咖啡極具層次，底層有香濃嘅朱古力，再嚟就有茶味芳香嘅伯爵茶，喺杯中仲有一粒奶味濃郁嘅奶冰，最後仲伴隨一shot espresso。首先可以只品嘗伯爵茶嘅味道，再等奶球嘅融化，品嘗一下西式嘅奶茶嘅味道，之後就開始倒入espresso，就會有西式鴛鴦嘅味道，最後連同底部朱古力攪勻，多種元素融為一體，味道會變得更為豐富。
📍青海
一杯好清新嘅飲品，有青蘋果同埋西柚，所以顏色亦會呈現綠色，用嚟打卡都係唔錯嘅選擇。
📍酒釀雞卷定食
呢度嘅定食好豐富，包括有關東煮、胡麻醬撈烏冬、一款嘅漬物，當然仲有主角酒釀雞卷。雞卷所用嘅雞係用雞髀肉，肉質軟嫩多汁，酒味濃香醇厚，夠哂入味。關東煮有蘿蔔、芋絲、日本腐皮，全部都係好入味，吸收哂湯嘅精華。
📍Rev Time Signature Cake
今日嘅蛋糕係用三種不同嘅元素所配搭，分別有酸甜嘅芒果慕絲、香濃朱古力嘅布朗尼同埋惹味嘅辣椒絲。有陣陣嘅辛辣感喺濃厚嘅朱古力布朗尼中游走，而酸甜幼滑嘅芒果慕絲可以減輕辣椒嘅辛辣感。
📍大阪燒
本來想食bagel 但太夜已無晒～所以叫左大阪燒！佢份量都幾多唔會淨係食到成口粉漿～
📍期間限定AW Patisserie糖水泡芙 本來我地想試試呢個puff 店員話因為當日既puff 已有啲變軟所以免費比我地試咗兩款味，佢地係三款港式糖水泡芙，芝麻湯圓/芋頭椰汁西米同腐竹薏米，我覺得薏米好清新好好食！！佢入面個餡有啲薏米出面既cream亦唔會太甜！
@aw_patisserie
张贴
