作為超愛上海菜嘅我同朋友去咗試～
Menu太多選擇，眼花撩亂
6
5
▶️ 辣椒皮蛋 ($58)
開胃前菜
皮蛋切片，入口滑捋捋
配上芫荽同辣油更美味🌿
▶️ 山東煎餅歯牛肉卷大蔥 ($218)
呢個擺盤太型了吧😻似足片皮鴨
八片薄切牛𦟌質感軟腍，對應八塊煎餅
可以自行夾入酸甜話梅條、辛辣大蔥絲、櫻花蝦、醃蘿蔔
醬汁味道相當特別，唔識形容，大家試過先知～
全部嘢入口簡直係「百花齊放」🤣
最特別係有蛋散，加咗入去之後勁香脆，口感再豐富啲❣️
唯一覺得煎餅冇一般薄餅咁煙靭🫓
兩個人食，每人四件已經好飽肚
▶️ 紅油抄手5粒 ($68)
走咗辣，變咗普通豉油雲吞🙈
不過比預期好食！
雲吞皮厚少少，勝在煙韌好咬口
肉餡餡料調味唔錯，豬肉多汁
豉油醬汁鹹度適中，好食過一般湯雲吞🥟
▶️ 高力芒果奶黃4件 ($65)
重點推介俾大家❤️🔥
四粒圓轆轆脹卜卜，啱啱整起暖笠笠
外面食落似實身少少嘅棉花糖，入口細緻軟綿
雖然係炸，但0油膩感🤤完全冇油膱味
唔似一般高力豆沙用紅豆餡，呢個用流心奶黃同少許芒果蓉
奶黃吉士質感如布甸🍮甜度適中
芒果香甜🥭如果再多啲芒果更正
嫌唔夠甜可以再點糖粉
唔係好多地方有得食，因為好考功夫
呢個仲要超高質😋每人食兩球都未膩
▶️ 香茅檸檬薏米水 ($34)
超大杯同好足料
底部成碗薏米，粒粒有咬口
另外仲有啲香甜冬瓜食
薏米水帶微微蜜糖甜味🍯飲落滋潤
▶️ 丫頭 ($45)
呢杯嘢犀利囉
係芝士奶蓋番石榴芒果特飲🍹
飲落非常清爽，面層奶蓋滿滿
入面仲有啲珍珠咬下
-
全部餸菜都達水準，有驚喜😍抵佢攞米芝蓮
傳統上海菜味道仲帶點新意👍🏻
✨最鍾意一定係「高力豆沙」同「煎餅歯牛肉卷拼盤」✨
姐姐服務都唔錯，見唔少熟客幫襯
環境空曠舒服，非常適合一家團聚食飯
價錢相當合理，加一後大約$280/人
相信之後會回頭，好想試埋佢其他菜式💕嚟五六次都未試得晒
