渡邊屋

营业中

休息中

火炙壽司盛盒唔好以為set通常無好野，呢個set件件壽司都咁出色。一個盛盒滿足你七個願望，有齊最熱門既食材，炙燒三文魚壽司、炙燒左口魚壽司、炙燒帆立貝壽司、蒲燒鰻魚壽司，原條海曼壽司、油甘魚壽司、赤蝦壽司。每款都係平時我散叫會叫既壽司，絕對無欺場。壽司全部都燒得好香，色澤都好新鮮，壽司既野，食材新鮮係最緊要。蒲燒鰻魚壽司尤其出色，鰻魚油脂豐富，質地軟熟，而且無咩細骨，啖啖肥美既肉真係另我下次想encore單點多幾件先夠過口癮。炙燒帆立貝壽司相信呢個都係唔少人既至愛，水準同樣出色，帆立貝厚身無欺場，而且好新鮮，輕輕咁炙燒已經好能夠帶出個鮮甜味。Set黎講款款食材都無欺場，樣樣都係平時單點自己會叫既野。呢個價錢真係性價比高，質素又好，絕對要再encore ah!另外我地再單點左個帆立貝沙律帶子卷，佢有d似加州卷，不過裏面加入左帆立貝，同樣地因為食材新鮮，而且呢個配搭都好少見，出黎個效果唔錯，好fresh，同樣值得一試。