影片
更多
2023-07-03
65 浏览
放假同朋友去科學園行下，冇嚟一排，原來入面多咗好多新餐廳進駐。今次就由朋友帶路，嚟咗呢間主打摩登農家菜嘅小館食晏。餐廳走 Farm To Table 慨念，以一系列特色農家菜及玩味點心為賣點，加上廚師團隊來自「利苑」的強勁班底，食物質素絕對有保證。餐廳設有室內和戶外位置，室外有冷風機和太陽能傘，可以一邊望住個湖景一邊嘆美食，環境好 chill，好 relax。蒜蓉香辣鳳爪 ：鳳爪大隻爽彈，入味又冇骨，蒜蓉味好香濃，加上椒絲同醋汁，酸酸辣辣，用嚟做前菜一流！ 盤栽冰菜：冰菜新鮮嫩綠，葉片滿佈通透水珠，入口冰涼爽脆，配上面頭嘅胡麻醬，清新醒胃。小豬嘜 (叉燒餡)：點心造型好可愛，包身軟綿綿，叉燒餡鹹甜有致，肥瘦適中，好睇又好食。氣鍋雞：所謂氣鍋雞其實即係椰子燉雞湯，湯水用茶壺盛上，既可保溫，賣相亦非常美觀。入口帶濃郁椰香，味道很清甜，飲完都唔會感覺口渴，非常滋潤。火雲叉燒：叉燒以西班牙伊比利亞黑毛豬梅肉製作，上桌後，服務員會即席為叉燒淋上玫瑰露及點火，食落肉質好鬆化，肥瘦均勻，入口更帶陣陣玫瑰露芳香。爆汁乳鴿：乳鴿選用自家農場出產嘅穀飼 BB 鴿，食落肉質好嫩滑，汁水豐盈，細嚼下更可嚐到一
放假同朋友去科學園行下，冇嚟一排，原來入面多咗好多新餐廳進駐。今次就由朋友帶路，嚟咗呢間主打摩登農家菜嘅小館食晏。
餐廳走 Farm To Table 慨念，以一系列特色農家菜及玩味點心為賣點，加上廚師團隊來自「利苑」的強勁班底，食物質素絕對有保證。
餐廳設有室內和戶外位置，室外有冷風機和太陽能傘，可以一邊望住個湖景一邊嘆美食，環境好 chill，好 relax。
蒜蓉香辣鳳爪 ：鳳爪大隻爽彈，入味又冇骨，蒜蓉味好香濃，加上椒絲同醋汁，酸酸辣辣，用嚟做前菜一流！ 
盤栽冰菜：冰菜新鮮嫩綠，葉片滿佈通透水珠，入口冰涼爽脆，配上面頭嘅胡麻醬，清新醒胃。
小豬嘜 (叉燒餡)：點心造型好可愛，包身軟綿綿，叉燒餡鹹甜有致，肥瘦適中，好睇又好食。
氣鍋雞：所謂氣鍋雞其實即係椰子燉雞湯，湯水用茶壺盛上，既可保溫，賣相亦非常美觀。入口帶濃郁椰香，味道很清甜，飲完都唔會感覺口渴，非常滋潤。
火雲叉燒：叉燒以西班牙伊比利亞黑毛豬梅肉製作，上桌後，服務員會即席為叉燒淋上玫瑰露及點火，食落肉質好鬆化，肥瘦均勻，入口更帶陣陣玫瑰露芳香。
爆汁乳鴿：乳鴿選用自家農場出產嘅穀飼 BB 鴿，食落肉質好嫩滑，汁水豐盈，細嚼下更可嚐到一股獨特嘅藥材香，非常滋味。
鹽焗蟶子：蟶子新鮮肥美，咬落非常 Juicy，肉厚爽彈，加上以鹽焗方式烹調，味道鹹香又帶點點鮮甜，令人吃不停口。
烈焰菠蘿炒飯：炒飯以原個菠蘿盛載，賣相好霸氣，舀起見到入面有勁多瑤柱、蛋白同新鮮菠蘿肉，用料十足，米飯顆粒分明，入口甜甜酸酸，最啱開心 Share。
求其芥蘭：芥蘭帶陣陣薑汁香，雖然只係好普通嘅一碟菜，不過因為食材夠新鮮，而且揀晒最嫩嗰部份，入口爽脆味鮮👍🏻
牛榛仔：牛榛仔嘅造型好 Cutie，包身食落好軟熟，入面嘅朱古力餡超流心，「相機食先」必點。
柚子花精凍：外表晶瑩剔透，糕內加入了 Juicy 嘅柚子肉，清新甜美，滋味又足料！
另外仲點咗 2 支冷泡茶：白桃烏龍茶味好清新，帶淡雅白桃香氣；菊花普洱陳香醇厚，消滯解膩。
张贴
