影片
更多
2021-04-23
48 浏览
夜晚約左朋友喺尖沙咀食飯。朋友話想食light d，想搵間好似cafe咁既。尖沙咀行左幾個圈，諗起之前好似食過間唔錯、style係少少鍊金術元素。記得間餐廳喺美麗華地下一層角落，就腳又算靜，同埋都好闊落。去到就記得個名叫Espresso Alchemy。去到大概七點左右，呢個鐘數既咖啡店，唔多人都好正常。不過都仲有兩三枱客，食完喺度傾緊計，唔錯，同我地既打算一樣。睇睇menu，我地叫左兩樣野食同兩杯野飲。我地叫左Turkey breast sandwich。然後，雖然要食light d，但我都係想食番個pasta。所以除左火雞胸三文治，就叫左個Pasto Penne with chicken fillet，青醬雞柳長通粉。野飲我就叫左Honey Earl Grey Latte，朋友就揀左Iced Mint Chocolate。一人一杯，咁就可以一路慢慢飲一路傾下計。最先黎到既我杯Honey Earl Grey Latte。除左店面，佢地既杯都有佢地鍊金術style既logo，四個元素圖案，幾得意。Latte既溫度岩岩好，暖而偏熱。用左個高身容器裝住，斟落杯度飲，可以飲到兩杯有多，蜜糖味
去到大概七點左右，呢個鐘數既咖啡店，唔多人都好正常。不過都仲有兩三枱客，食完喺度傾緊計，唔錯，同我地既打算一樣。睇睇menu，我地叫左兩樣野食同兩杯野飲。
我地叫左Turkey breast sandwich。然後，雖然要食light d，但我都係想食番個pasta。所以除左火雞胸三文治，就叫左個Pasto Penne with chicken fillet，青醬雞柳長通粉。野飲我就叫左Honey Earl Grey Latte，朋友就揀左Iced Mint Chocolate。一人一杯，咁就可以一路慢慢飲一路傾下計。
最先黎到既我杯Honey Earl Grey Latte。除左店面，佢地既杯都有佢地鍊金術style既logo，四個元素圖案，幾得意。Latte既溫度岩岩好，暖而偏熱。用左個高身容器裝住，斟落杯度飲，可以飲到兩杯有多，蜜糖味香，唔會蓋過伯爵茶既香氣，奶茶同蜜糖相輔相成，奶滑得黎又有茶香，蜜糖既份量又令甜度岩岩好，幾好飲。
跟住係長通粉。長通粉有滿滿既醬，令到每條長通粉都有沾到青醬。青醬又濃又香，直頭就算唔洗送都好夠味。至於雞柳，比起雞胸，我絕對係鐘意雞髀肉。雞柳望落都瘦瘦地，不過就試試佢先啦。嘩，個雞柳比想像中整得好食好多，雖然未到好juicy但有肉汁。咁多舊雞柳冇一舊係鞋口，煮得夠嫩。同時因為雞柳既關係，佢有果種肉既纖維既質地。有咬口又唔乾，配埋個青醬，確實唔錯。
跟住係火雞胸三文治。三文治大大份，好多料，厚到夾唔實。除左有幾塊大大塊既火雞胸肉，仲有好多菜同蕃茄，配埋個醬就又好食又唔會dry。既豐富又健康，大大份又飽肚。
最後係杯Mint chocolate。薄荷朱古力有淡淡薄荷香。奶泡棉滑，都幾厚既一層喺面頭。朱古力好濃，濃到底有層深色既沉澱。而且佢既朱古力味好香，同平時飲既有唔同，唔係落得多就會出得到既味道。呢杯精緻既朱古力，對於我呢個鐘意大啖飲既人，係有d吊癮，如果佢可以大杯d就更加夠喉。
张贴
