影片
更多
2021-06-19
497 浏览
輕盈酥香佛羅倫斯風情薄餅🍕～～～係九龍站上蓋置業，一直都係我同大舊👦🏻嘅夢想，雖然呢個十劃都未有一撇嘅夢，有排都未做到，不過經過多年努力嘅工作，總算係可以afford得到喺度食個浪漫嘅晚餐。～～～呢間西餐廳裝修非常浪漫，而且座位好坐，每張枱都有配置一個蠟燭，綜合環境同食物價錢嘅各方面考慮，呢間餐廳算係圓方裏面性價比幾高嘅餐廳。～～～燒春雞配法邊豆 $228：燒得外香內嫩嘅燒春雞，送上枱嘅時候係新鮮熱辣辣燒起，諗住攞起雞腿影相都唔小心辣親隻手，對於我黎講，高質嘅食物，夠熱係最基本嘅條件之一，呢度就完全做到。加上帶有微微辣嘅味道，三五兩下就比我同大舊👦🏻迅速消滅清光。🐣～～～佛羅倫斯風情薄餅$188：佢哋嘅餐牌有多款Pizza，我哋喺呢一款佛羅倫斯風情Pizza同意式肉腸蘑菇Pizza之間掙扎了良久，最後見到餐牌寫住呢一款係佢哋嘅招牌之一，就決定揀佢嚟試下。餅底薄且香脆，乾爽唔油膩，感覺好輕盈，邊位酥酥脆脆，同平時食開嘅Pizza都幾唔同。整體味道鹹香自然唔算過分濃烈，加上水牛芝士，整體感覺美味得來唔會太邪惡，就算得兩個人食都清得晒。🍕～～～香烤海鮮匯 $308：貌相非常吸睛嘅海鮮匯，裏面
～～～
係九龍站上蓋置業，一直都係我同大舊👦🏻嘅夢想，雖然呢個十劃都未有一撇嘅夢，有排都未做到，不過經過多年努力嘅工作，總算係可以afford得到喺度食個浪漫嘅晚餐。
～～～
呢間西餐廳裝修非常浪漫，而且座位好坐，每張枱都有配置一個蠟燭，綜合環境同食物價錢嘅各方面考慮，呢間餐廳算係圓方裏面性價比幾高嘅餐廳。
～～～
燒春雞配法邊豆 $228：
燒得外香內嫩嘅燒春雞，送上枱嘅時候係新鮮熱辣辣燒起，諗住攞起雞腿影相都唔小心辣親隻手，對於我黎講，高質嘅食物，夠熱係最基本嘅條件之一，呢度就完全做到。加上帶有微微辣嘅味道，三五兩下就比我同大舊👦🏻迅速消滅清光。🐣
～～～
佛羅倫斯風情薄餅$188：
佢哋嘅餐牌有多款Pizza，我哋喺呢一款佛羅倫斯風情Pizza同意式肉腸蘑菇Pizza之間掙扎了良久，最後見到餐牌寫住呢一款係佢哋嘅招牌之一，就決定揀佢嚟試下。餅底薄且香脆，乾爽唔油膩，感覺好輕盈，邊位酥酥脆脆，同平時食開嘅Pizza都幾唔同。整體味道鹹香自然唔算過分濃烈，加上水牛芝士，整體感覺美味得來唔會太邪惡，就算得兩個人食都清得晒。🍕
～～～
香烤海鮮匯 $308：
貌相非常吸睛嘅海鮮匯，裏面有蜆、有魚、有蝦、有魷魚、有帶子、有青口，仲有八爪魚。當中魚肉幼嫩，魷魚彈牙，帶子肥厚，而八爪魚更散發住獨特嘅煙熏味，整體都唔錯，好適合配返杯紅酒🍷
～～～
推薦度：🔥🔥🔥🔥🔥🔥🔥🔥🔥
Joia (尖沙咀)
尖沙咀柯士甸道西1號ELEMENTS圓方演薈廣場(頂層) R010號舖
张贴
