十六座車仔麵

营业中

休息中

呢日黎花墟買花，發現到呢間舖，門面幾得意，好有懷舊氣息。但係當時門口人龍頗長，因為趕時間，就買外賣一試。原本唸住食碗麵醫下肚，驚喜發現係餐牌上除左多款不同麵食，竟然有飯食，澱粉派的我無慮即決。辣魚蛋，鹵水豆腐，韭菜餃，牛爽，各有千秋，魚蛋係彈牙，韭菜較的的骰骰，但係好飽滿，我當場都見有人外賣打邊爐用，牛爽係招牌，店員話每日限量，真係幾爽脆，讚。鹵水豆腐亦都入味無投訴。從來無試過用飯去配車仔餸，但又出奇地夾，感覺好滿足。下次條龍無咁長，要再入去現場感受下。