上海弄堂菜肉餛飩 (綿發街)

营业中

休息中

跑馬地嘅感覺離不開豪宅同馬場，望住呢度嘅景像，唔知我有無機會入住跑馬地呢？喺我發緊白日夢之際，朋友就話肚餓喇，其實食少幾餐，可能我哋都買得起跑馬地啦！邊行邊搵嘢食，呢間播住老上海情懷嘅歌，就一於試試上海弄堂菜肉餛飩都唔錯。酸辣湯餛飩酸辣湯嘅濃稠度適中，酸同辣嘅配合啱啱好，而最驚喜係材料超多，冬菇最厚肉最好味，而餛飩有成5隻，聽講係全人手包嘅，餡料內嘅菜超多，好有口感，而肉汁令到成個餛飩好juicy！醉雞擔擔麵醉雞嘅酒味好香，雞肉嫩滑，唔太肥膩，可能係跟擔擔麵嘅關系，所以份量唔算多。擔擔麵唔辣，花生味香濃，好惹味。