影片
更多
2010-02-26
35 浏览
上兩個月先同老友來吃過，大叫好味，今晚帶食家來試下。呢座幸福中心其實都幾騎呢，0的電梯轉來轉去，中間又有一層無人既咩club酒吧，好似去左夜場咁，奇奇怪怪﹗10:00pm先來到，人客不多，我點了個野菜拉麵，而食家就要左個紫菜泡菜麵。估唔到個野菜拉麵個湯會係杰的，杰的程度等如變左汁，一向都唔鍾意食野有太多汁的，今次卻有點改觀。拉麵依舊是彈牙有嚼口，麵身有少少曲，掛上湯汁很好吃，因雜菜是清淡食物所以湯汁偏鹹，雜菜有菇、黃牙白及金針菜等，新鮮脆口。食家的泡菜麵也不錯，泡菜份量少就少左0的，不過夠辣亦惹味，叉燒呈粉紅色，肉味夠有脂香，紫菜掛在麵上味道清新，她說湯底清清地最好，吃得出食材的味道。還要一提這兒的麵底份量十足，我這個為食鬼吃一個麵已覺得大半飽，所以來呢度都係食完個麵先再點小食，免得眼闊肚窄浪費食物﹗最後食叫左條開邊燒花魚食，可惜魚一口已偏腥，肉質亦一夾便散，爛溶溶似的﹗吃了兩口她也放棄，說以後去麵鋪都係食番麵就算了﹗埋單$180有找，如只吃麵的話會更平。這兒的生啤6:00pm-8:30pm有happy hr，如早點來一定整番杯﹗一提的是這兒的空調有問題，天氣今天開始轉熱，14度變24
呢座幸福中心其實都幾騎呢，0的電梯轉來轉去，中間又有一層無人既咩club酒吧，好似去左夜場咁，奇奇怪怪﹗
10:00pm先來到，人客不多，我點了個野菜拉麵，而食家就要左個紫菜泡菜麵。
估唔到個野菜拉麵個湯會係杰的，杰的程度等如變左汁，一向都唔鍾意食野有太多汁的，今次卻有點改觀。
拉麵依舊是彈牙有嚼口，麵身有少少曲，掛上湯汁很好吃，因雜菜是清淡食物所以湯汁偏鹹，雜菜有菇、黃牙白及金針菜等，新鮮脆口。
食家的泡菜麵也不錯，泡菜份量少就少左0的，不過夠辣亦惹味，叉燒呈粉紅色，肉味夠有脂香，紫菜掛在麵上味道清新，她說湯底清清地最好，吃得出食材的味道。
還要一提這兒的麵底份量十足，我這個為食鬼吃一個麵已覺得大半飽，所以來呢度都係食完個麵先再點小食，免得眼闊肚窄浪費食物﹗
最後食叫左條開邊燒花魚食，可惜魚一口已偏腥，肉質亦一夾便散，爛溶溶似的﹗吃了兩口她也放棄，說以後去麵鋪都係食番麵就算了﹗
埋單$180有找，如只吃麵的話會更平。
這兒的生啤6:00pm-8:30pm有happy hr，如早點來一定整番杯﹗
一提的是這兒的空調有問題，天氣今天開始轉熱，14度變24度，我一路吃一路出汗，已問過店員可唔可以開大冷氣，佢地話已開到盡，如夏天三十度點算好呢？
张贴
