影片
更多
2009-08-12
15 浏览
咁啱經過呢間甜品屋，鮮茄蛋就同我講話呢間喺Open Rice係排第一，於是我哋就諗住試試喇！喺門口等咗一陣就有位，我哋被安排坐個死角位，咁啱後面有部機播住啲悠揚音樂，以為感覺唔錯。由於喺門口等位時已經見到有啲報章雜誌介紹佢嘅檸雜，所以我決定一試。而鮮茄蛋就揀咗要杯薄荷菠蘿特飲。另外我哋仲叫咗件木糠布甸，因為香港好多地方都整得唔係幾好食，所以特意試吓呢個會唔會有啲驚喜。鮮茄蛋杯薄荷菠蘿特飲嚟先，叫得特飲以為真係好特別，但係飲落其實無乜特別，淨係啲薄荷入到口之後令到你個口好冰涼。除此之外，談不上好飲，亦唔會令你留下深刻印象。至於我杯檸什反而唔錯，因為飲落唔會好酸，而且好有生津止渴嘅感覺，所以喺啲咁熱嘅天氣吓，絕對一流。而件木糠布甸食落一般，木糠好碎，不過如果可以多啲木糠，可能會令效果好啲。雖然唔係食過最好食嘅木糠布甸，但係都算唔錯，唯驚喜欠奉。食到咁上吓時，因為開始無咁多人，仲有吉枱，原本諗住同鮮茄蛋慢慢坐吓，點知鋪頭個姐姐開始有啲唔耐煩，隔咗一陣就同我哋講話有人訂咗枱，意思即係叫我哋飲完就走，其實好唔順氣，因為明明有吉枱，唔需要趕我哋走，好失望。同埋有時嚟得食甜品，都係想好悠閒咁過，點知
喺門口等咗一陣就有位，我哋被安排坐個死角位，咁啱後面有部機播住啲悠揚音樂，以為感覺唔錯。
由於喺門口等位時已經見到有啲報章雜誌介紹佢嘅檸雜，所以我決定一試。而鮮茄蛋就揀咗要杯薄荷菠蘿特飲。另外我哋仲叫咗件木糠布甸，因為香港好多地方都整得唔係幾好食，所以特意試吓呢個會唔會有啲驚喜。
鮮茄蛋杯薄荷菠蘿特飲嚟先，叫得特飲以為真係好特別，但係飲落其實無乜特別，淨係啲薄荷入到口之後令到你個口好冰涼。除此之外，談不上好飲，亦唔會令你留下深刻印象。
至於我杯檸什反而唔錯，因為飲落唔會好酸，而且好有生津止渴嘅感覺，所以喺啲咁熱嘅天氣吓，絕對一流。
而件木糠布甸食落一般，木糠好碎，不過如果可以多啲木糠，可能會令效果好啲。雖然唔係食過最好食嘅木糠布甸，但係都算唔錯，唯驚喜欠奉。
食到咁上吓時，因為開始無咁多人，仲有吉枱，原本諗住同鮮茄蛋慢慢坐吓，點知鋪頭個姐姐開始有啲唔耐煩，隔咗一陣就同我哋講話有人訂咗枱，意思即係叫我哋飲完就走，其實好唔順氣，因為明明有吉枱，唔需要趕我哋走，好失望。同埋有時嚟得食甜品，都係想好悠閒咁過，點知搞到要趕頭趕命，真係激氣。所以無論有幾悠揚嘅音樂都無用！！如果有交枱時間，應該一早同人講，等人哋有個預算！
原本想比OK，但係除咗杯檸雜外，其他嘅嘢相當普通，反而姐姐趕我哋走嘅態度令我哋刻骨銘心，所以惟有比個喊臉佢……
张贴