影片
更多
2021-06-25
40 浏览
依排天氣熱，正餐都鍾意食麵多過飯，話矖都叫做濕濕地吖嘛～DIY Fuhn 自選湯粉湯底4選1,食牛河當然選牛湯 (除此之外仲有雞湯，沙嗲湯同碌冧汁選）,牛湯清清地帶點牛骨味，唔太咸。配料選左美國安格斯牛肉，牛丸，手打蝦餅，雞丸.美國安格斯牛肉片片切得好薄，易入口，牛味都好出，一啲都唔鞋！最鍾意嘅係手打蝦餅，好少有蝦餠係食到一隻隻爽口彈牙嘅蝦，而且炸到剛剛好，好脆口！香茅豬頸肉煎蛋飯 $78+16 升級套餐 （越式春卷加凍檸水）十分豐富！豬頸肉份量好多！啱曬我嘅食肉獸朋友！豬頸肉炒得好香，而且令立立，外表都拎到滿分加埋靚靚太陽蛋，香香嘅蛋黃撈埋啲飯食，十分滿足！
张贴
