春嬌越南河

营业中

休息中

係將軍澳食飯而家多咗好多選擇，今日去咗坑口明德商場，個商場裝修完冇幾耐，環境好新。正門入去過咗百佳，新開左一間越南餐廳，見到價錢都幾平民，一於入去試吓😊叫左一碟「沙嗲雞肉串燒$42」啲肉好冧，唔會燒到好乾，食到個醬好香花生味，有誠意👍🏻「招牌泰式芋頭粒臘腸粒炒飯$78」鑊氣一流，估唔到咁好食，加咗肉鬆去炒好惹味，鹹香嘅臘腸配粉粉地嘅芋頭，口感一流😋晚市冇套餐，我地另外加咗一杯「越南煉奶咖啡$28」，別有一番風味，個人覺得甜咗少少，下次再嚟飲一定要嗌少甜😙兩個人食唔到幾多野，啲飯又好大碟，要下次再嚟試埋個生菜包😍