回憶客棧

营业中

休息中

好想食串燒，但夜晚禁左堂食，唯有lunch time 去食。今日去左長沙灣試呢間串燒店，呢度除左有串燒之外，仲有花甲粉。呢度既花甲粉令我喜出望外，原本想試花蟹粉，但當日無花蟹所以試唔到，於是點左一份花甲鮮蝦粉，另外加火腿丸。估唔到花甲同蝦既份量都幾多，而且味道好鮮甜，花甲全部鮮甜無沙。另外花甲粉既「粉」用左粉絲，吸哂海鮮既精華，勁正。另外點左啲串燒，味道都啱啱好，唔會太濃味。因為坊間有啲串燒店勁重味，完全食唔到肉味，但呢度就無呢個問題。呢度仲有鹽燒鱸魚，勁有泰式風味，而且條魚好大條，都只係$108，非常抵食