影片
更多
2021-10-04
65 浏览
最近同朋友口痕想打邊爐，就嚟試下呢間雞煲任食火鍋，一次滿足兩個願望💕我哋揀咗套餐A，過下口癮。每位$188加一。呢到環境比想像中闊綽同乾淨。都留意到呢到裝修花了不少心思，加咗好多舊香港元素👍🏻好特別個場超大，我哋平日嚟食都坐滿左，可見幾好生意。點餐形式就係掃QR code落單，都幾方便，同埋唔擔心會漏單。嘢食方面比想像中多花樣，平時打邊爐嘅食材大多數都有💕🐓 雞煲一坐低就食咗雞煲先，雞煲上菜時熱辣辣，職員會幫手攪拌。味道偏甜，唔會太辣，都算惹味😌🥩肉類佢有特級肥牛同雪花肥牛揀，個人覺得反而覺得雪花肥牛好食啲，特級肥牛肥位太多。個人覺得羊肉都不錯👍🏻🦐海鮮都有唔少海鮮可以揀，例如花膠同大蝦，我哋仲叫咗是日海鮮，當日係蟶子。蝦喺同類型任食火鍋來講都好大隻，蟶子都好新鮮，呢個價錢來講性價比高👍🏻🥤飲品就咁睇都有10-20款飲品，汽水、添加糖飲品/無添加糖飲品/茶類都一應俱全，都真係好多種類👍🏻不過如果想飲啤酒要另外加錢。佢有另外兩款手沖茶飲，桂花烏龍同台灣冬瓜茶，個人覺得都幾高質。冬瓜茶有少少甜但好開胃，桂花烏龍就適合啲唔鍾意飲甜嘅朋友😌整體黎講呢個價係任食火鍋中性價比都好高，食材高質，超多
我哋揀咗套餐A，過下口癮。每位$188加一。
呢到環境比想像中闊綽同乾淨。
都留意到呢到裝修花了不少心思，加咗好多舊香港元素👍🏻好特別
個場超大，我哋平日嚟食都坐滿左，可見幾好生意。
點餐形式就係掃QR code落單，都幾方便，同埋唔擔心會漏單。
嘢食方面比想像中多花樣，平時打邊爐嘅食材大多數都有💕
🐓 雞煲
一坐低就食咗雞煲先，雞煲上菜時熱辣辣，職員會幫手攪拌。味道偏甜，唔會太辣，都算惹味😌
🥩肉類
佢有特級肥牛同雪花肥牛揀，個人覺得反而覺得雪花肥牛好食啲，特級肥牛肥位太多。
個人覺得羊肉都不錯👍🏻
🦐海鮮
都有唔少海鮮可以揀，例如花膠同大蝦，我哋仲叫咗是日海鮮，當日係蟶子。
蝦喺同類型任食火鍋來講都好大隻，蟶子都好新鮮，呢個價錢來講性價比高👍🏻
🥤飲品
就咁睇都有10-20款飲品，汽水、添加糖飲品/無添加糖飲品/茶類都一應俱全，都真係好多種類👍🏻不過如果想飲啤酒要另外加錢。
佢有另外兩款手沖茶飲，桂花烏龍同台灣冬瓜茶，個人覺得都幾高質。冬瓜茶有少少甜但好開胃，桂花烏龍就適合啲唔鍾意飲甜嘅朋友😌
整體黎講呢個價係任食火鍋中性價比都好高，食材高質，超多飲品揀，環境都乾淨闊綽，唯一美一不足的係湯底有啲淡，我哋後尾叫職員幫手加雞煲汁，味道就正常返👌🏻
张贴
