影片
更多
2020-03-27
794 浏览
Espresso Alchemy #尖沙咀❗️嘆茶飲咖啡一流❗️之前經過美麗華地庫見到呢間風格帶點神秘嘅Cafe已經好想試，今日終於有機會😻佢哋嘅飲品真係冇得頂❣️而且地庫人流唔算好多，攞埋部電腦坐一個下晝都冇問題！餐廳雖然位於地庫，但係採取開放式嘅設計，所以感覺寬敞，而且啲飲品真係一流🤩價錢亦唔算貴，超適合坐喺度同朋友傾吓計或者做嘢！蟹肉味增扁面🍝$123分量好大，而且麵條軟硬度剛好。含有少量蟹肉，同埋多種唔同嘅菇🍄雖然話用咗味增作調味，但係味道一啲都唔夠鹹，反而有少少似淡淡地嘅白汁。如果可以濃味啲同埋多啲蟹肉就更好！味道: 3.4/5性價比: 3.4/5香蒜醬雞扒沙律🥗$78$78有咁大塊雞扒真係好抵🤩而且雞扒醃得非常香，雞胸來講肉質都算幾嫩！不過沙律就冇乜醬汁，只係靠啲墨西哥辣椒調味🙈只可以話係健康之選。味道: 3.8/5性價比: 4/5牛油果多士配鵪鶉蛋配沙律🥑$63賣相非常新奇，整成一個鳥巢咁🤣牛油果嘅份量超多，而且刻意壓到只係半蓉，豐富口感🥰特別鍾意佢個包，雖然冇烘過，但本身嘅麥香非常重，所以即使成個多士冇乜加調味都夠晒香😚不過同樣地沙律都係冇乜醬汁，就咁食有啲淡🙈。味道: 3.
❗️嘆茶飲咖啡一流❗️
之前經過美麗華地庫見到呢間風格帶點神秘嘅Cafe已經好想試，今日終於有機會😻佢哋嘅飲品真係冇得頂❣️而且地庫人流唔算好多，攞埋部電腦坐一個下晝都冇問題！
餐廳雖然位於地庫，但係採取開放式嘅設計，所以感覺寬敞，而且啲飲品真係一流🤩價錢亦唔算貴，超適合坐喺度同朋友傾吓計或者做嘢！
蟹肉味增扁面🍝$123
分量好大，而且麵條軟硬度剛好。含有少量蟹肉，同埋多種唔同嘅菇🍄雖然話用咗味增作調味，但係味道一啲都唔夠鹹，反而有少少似淡淡地嘅白汁。如果可以濃味啲同埋多啲蟹肉就更好！
味道: 3.4/5
性價比: 3.4/5
香蒜醬雞扒沙律🥗$78
$78有咁大塊雞扒真係好抵🤩而且雞扒醃得非常香，雞胸來講肉質都算幾嫩！不過沙律就冇乜醬汁，只係靠啲墨西哥辣椒調味🙈只可以話係健康之選。
味道: 3.8/5
性價比: 4/5
牛油果多士配鵪鶉蛋配沙律🥑$63
賣相非常新奇，整成一個鳥巢咁🤣牛油果嘅份量超多，而且刻意壓到只係半蓉，豐富口感🥰特別鍾意佢個包，雖然冇烘過，但本身嘅麥香非常重，所以即使成個多士冇乜加調味都夠晒香😚不過同樣地沙律都係冇乜醬汁，就咁食有啲淡🙈。
味道: 3.6/5
性價比: 4/5
意大利芝士餅🍰$49
咖啡控必定鍾意☕️用上mascarpone cheese同埋浸左大量咖啡酒嘅手指餅，符合晒我對經典tiramisu嘅認知，佢嘅咖啡味真係好重，有機會覺得少少苦，不過如果你係超級鍾意飲espresso，咁就一定要試吓呢一個tiramisu！
味道: 3.6/5
性價比: 3.5/5
伯爵茶鮮奶朱古力🍫$39
嚟到重頭戲就係佢嘅朱古力❗️❗️❗️呢度嘅嘢飲真係好正！完美平衡左伯爵茶同埋朱古力嘅味道，一入口，真係兩種味都同時感受到，比例控制得非常好🤩！
味道: 4.7/5
性價比: 4.7/5
金萱烏龍🍵$45
曾經飲過佢哋嘅麗江雪茶，當時已經覺得佢哋嘅茶真係非常之甘甜。今次試埋佢哋嘅烏龍茶，同樣冇令我失望，回甘嘅程度係我人生中飲過最強勁嘅一次😭嚟到一定要飲佢嘅茶💕！
味道: 4.9/5
性價比: 4.8/5
整體來講，主菜味道一般，勝在算平。比起主菜更加鍾意佢嘅飲品，大力推薦佢哋嘅茶，真係一定要試😋！
蟹肉味增扁面
$123
19 浏览
0 赞好
0 留言
牛油果多士配鵪鶉蛋配沙律
$63
19 浏览
0 赞好
0 留言
香蒜醬雞扒沙律
$78
46 浏览
0 赞好
0 留言
金萱烏龍
$45
20 浏览
0 赞好
0 留言
伯爵茶鮮奶朱古力
$39
15 浏览
0 赞好
0 留言
意大利芝士餅
$49
36 浏览
0 赞好
0 留言
张贴
