影片
更多
2022-08-25
63 浏览
好耐冇去港島區食嘢，今日嚟到食泰國嘢好開心😃嚟到舖頭第一眼覺得係好清潔明亮而且裝修好有特色有民族風格！急不及待叫咗一個馬來海鮮摻摻喇沙，外貌非常之吸引，顏色鮮艷湯色好靚，而且份量十足，麵底有普通少少類似油麵同埋類似米粉兩款合併呢個就係特色。然後餸菜非常之多樣化，有大蝦，蜆肉，蟹柳，魚蛋，豆卜，雞蛋，魷魚🦑⋯⋯喇沙湯底味道濃郁，但係唔會太稠。配上多款新鮮海鮮，既清新又濃郁。推薦大家要試吓！之後叫多一個泰式炒金邊粉。提提大家炒金邊粉其實有兩隻嘅：一隻就係好似普通冇加橙色嘅醬料，味道就冇咁濃郁同埋酸酸甜甜，顏色亦都會係呈透明色。今次呢間就係用咗另一隻係橙色嘅醬料，味道食落去會比較濃郁，帶啲酸酸甜甜感覺多啲。所以好睇你個人口味喜歡邊一隻多一啲。配上唔同嘅材料有大蝦香蔥豆腐芽菜等，好惹味。而我最鍾意就係佢旁邊嘅辣椒碎，加少少成個味道即時提升，刺激感倍增！最後真係要嗌一個甜品先滿足！揀咗班蘭椰汁紫米露，齋係睇賣相已經好吸引，用咗特色小碗呈上，好有泰國風格。濃郁嘅椰汁同斑斕味道互相配合，唔會話其中一件太重味，而且稀稠度適中！加埋紫米有啲咬口，而且紫米味道亦都好濃郁！雖然成個甜品味道濃郁但係一啲都唔會
嚟到舖頭第一眼覺得係好清潔明亮而且裝修好有特色有民族風格！
急不及待叫咗一個馬來海鮮摻摻喇沙，外貌非常之吸引，顏色鮮艷湯色好靚，而且份量十足，麵底有普通少少類似油麵同埋類似米粉兩款合併呢個就係特色。然後餸菜非常之多樣化，有大蝦，蜆肉，蟹柳，魚蛋，豆卜，雞蛋，魷魚🦑⋯⋯喇沙湯底味道濃郁，但係唔會太稠。配上多款新鮮海鮮，既清新又濃郁。推薦大家要試吓！
之後叫多一個泰式炒金邊粉。提提大家炒金邊粉其實有兩隻嘅：一隻就係好似普通冇加橙色嘅醬料，味道就冇咁濃郁同埋酸酸甜甜，顏色亦都會係呈透明色。今次呢間就係用咗另一隻係橙色嘅醬料，味道食落去會比較濃郁，帶啲酸酸甜甜感覺多啲。所以好睇你個人口味喜歡邊一隻多一啲。配上唔同嘅材料有大蝦香蔥豆腐芽菜等，好惹味。而我最鍾意就係佢旁邊嘅辣椒碎，加少少成個味道即時提升，刺激感倍增！
最後真係要嗌一個甜品先滿足！揀咗班蘭椰汁紫米露，齋係睇賣相已經好吸引，用咗特色小碗呈上，好有泰國風格。濃郁嘅椰汁同斑斕味道互相配合，唔會話其中一件太重味，而且稀稠度適中！加埋紫米有啲咬口，而且紫米味道亦都好濃郁！雖然成個甜品味道濃郁但係一啲都唔會覺得Heavy，反而剛剛好，作為一個甜品收結係一個好好嘅平衡。
值得一讚嘅係店員服務態度良好細心有善，我哋臨走嗰陣時仲見到成間舖頭都係客人，推薦大家嚟呢度食呀！
张贴
