誠記小籠包拉麵

营业中

休息中

今日試咗一間高質小店🫶🏻 呢間新開嘅餐廳， 掛住老字號嘅牌子， 食客絡繹不絕，就係位於西營盤站近城西公園嘅誠記小籠包拉麵😊誠記小籠包拉麵喺深水埗都開咗十幾廿年， 深水埗店關閉後就喺巴丙頓道開咗呢一間新店， 鋪頭裝修都好舒服，好整潔🥰🥰🌟蟹粉小籠包一客有四隻， 蟹粉小籠包用料十足，除咗多湯汁之外，蟹肉比例都多， 完全食得出有蟹味。不過大家食嘅時候真係要小心爆汁啊🤣🌟花雕醉雞雞肉入味之餘仲好似貴妃雞咁滑😍 除咗雞翼外都冇乜有骨既雞件， 好滿足👍🤩🌟排骨擔擔麵排骨份量多，加咗特製醬汁，醬汁少少酸甜，好正👍 擔擔麵個湯我覺得好出色，好重花生味， 最緊要係夠熱🫶🏻🌟酸辣湯雲吞值得一讚嘅酸辣湯👍 用料十足，有豬/雞紅、蝦、 木耳、荀絲、豆腐、肉絲等等😍 雲吞餡料比例好， 有四隻， 唔加胡椒粉都夠香辣👍誠記小籠包拉麵只係開咗一個月，用餐期間除咗好多食客外，仲有好多電話叫外賣。 新店舊招牌， 屹立咗係深水埗咁多年嘅老店， 就算搬咗嚟西營盤， 都好似漆黑中嘅螢火蟲一樣，一定會畀人注意到嘅😆😆 真心推介🫶🏻