更多
2022-12-15
166 浏览
呢間小念頭,我知道佢嘅蛋糕係幾出名嘅,佢由旺角搬咗過去荔枝角之後,仲開始有埋熟食,因為要做嘢,所以去咗荔枝角,就上去試吓。一份餐點幾十蚊,有齊湯、沙律、主食,其實都幾抵。做完嘢好肚餓,我另外再加咗三份小食同埋一杯嘢飲,埋單一舊水落樓。湯、沙律同埋主食都係正常嘢,個金菇飯都幾多汁,撈飯好好味;牛肉就咁食就寡咗啲,但係佢另外配咗一個‘醬料’,點咗之後,真係香好多。極力推介嘅係佢嗰三個小食,真係好彩有點到,雖然唔係啲乜嘢好特別嘅材料,但係真係每一個都好好食。麻醬豆腐又香又滑,配飯一流;糖心蛋個糖心啱啱好,食到糖心嘅甜味;最正嘅係佢嘅薯蓉波波,軟滑但係都食到薯仔粒粒有咬口,加埋啲調味好香好甜。
张贴