夜首爾

营业中

休息中

📍夜首爾 (尖沙咀)👩🏻去食韓國燒肉，揀咗尖沙咀呢間人氣店。除咗燒肉，都有其他主食選擇。堂食仲有六款前菜送。✨調味牛肋骨（韓式長切法）$360略略燒一燒，肉汁同埋油香都比想像中豐富，肉質仲好軟熟。醃料係平時韓式帶果味嗰款，但唔會好易燒燶。👩🏻覺得比起其他餐廳嘅燒牛肋骨好味。✨厚切五花腩 $170五花腩有厚切同薄切兩款。厚切嘅話有預先𠝹幾刀，方便切細嚟燒。因為脂肪比較多嘅關係，好容易燒得焦脆。簡單配少少鹽已經好好味。✨石鍋拌飯 雞肉 $130色彩繽紛，賣相好吸引。有飯焦但唔算好黐底。韓式辣醬唔會好辣，想濃味啲可以加埋泡菜一齊撈飯。📍夜首爾 (尖沙咀)尖沙咀寶勒巷13-15號寶力大廈地舖