京都一の傳 (已結業)

最近多左同屋企人去啲高級啲既餐廳食飯，因為座位比較闊，而且衛生狀況良好，食得放心！我地點左好多野食，包括呢個季節刺身盛合。呢個刺身盤有四款刺身，分別係三文魚、吞拿魚、油甘魚同埋帆立貝，每款有三件，件件都勁新鮮同肥美，好滿足啊！另外，仲點左燒A4和牛。A4和牛肉味香濃，肉質嫩滑又多汁，配埋6款配料調味，好惹味！吉列和牛同樣好香，亦都有另一種風味，外脆內軟，正！呢個小船壽司係有帆立貝同埋魚籽，好新鮮！仲有勁肥美既海膽三文魚籽飯，勁足料，啖啖都係有三文魚籽！最後，喺呢個咁凍既天氣下，食返個暖暖既季節鮮魚涮涮鍋就perfect 喇！