牛大人台灣火鍋吃到飽

营业中

休息中

{日本黑毛和牛A4+套餐 - $488/人}竟然成個月都冇乜點打食評，麻甩佬久休復出，梗係食餐打邊爐啦！打邊爐絕對係麻甩佬精選，而講到CP值極高嘅精選一定係牛大人！今日食佢哋最新推廣嘅日本黑毛和牛套餐，雖然佢係最貴嗰個餐，但食過真係返唔到轉頭，你會覺得物超所值到瘋狂！每個餐首先都會贈送一個海鮮拼盤，入面有生蠔、帶子、鮑魚！全部都超新鮮，而且用嚟打邊爐真係一流！跟住落嚟就係今晚嘅主菜無敵黑毛和牛！一上碟嗰下真係太驚喜了，整份黑毛和牛每一塊油脂嘅分布都非常平均，而且仲有濃濃嘅牛香，出面賣$400一碟都唔過分，而呢度竟然係可以任食啊！！！！肉食大王真係喺呢度得到大大嘅滿足！伊比利亞黑毛豬梅肉都相當唔錯，煮完出嚟離遠都聞到靚豬肉嘅香味，不過今日主打和牛，本麻甩就叫住半份留肚食和牛！由於呢個已經係最高級嘅餐，所以之前食過牛大人嘅你，你所有叫過嘅嘢都可以喺呢個餐度叫到，呢個餐勁過其他人嘅就係鮑魚都係任叫，有幾款唔同嘅煮法同埋調味，每一樣都超好味！成餐飯嘅CP值真係高到冇人有，唔知呢個餐會維持幾耐，大家喺佢落架之前一定要試！美味程度：😋😋😋😋😋😋😋環境指數：🎇🎇🎇🎇🎇番食機會：🦍