影片
更多
2021-02-09
1652 浏览
今日上天地堂，中間有成四個鐘lunch time，都唔知食咩好，就同同學去咗旺角呢間二鍋頭，食任食嘅雞煲+火鍋。Lunch time過嚟食真係幾抵，雞煲同火鍋都任食，都只係$148一位。仲要每次加雞煲，都係成個煲換俾我哋。所以，雖然我朋友唔食辣，我哋食左一煲唔辣嘅雞煲之後，我地又加咗個大辣嘅雞煲比無辣不歡嘅我食。其實就算唔辣都幾好食嘅，雞煲個汁味道好濃，店員再喺我哋面前用洋蔥同蒜炒起個雞煲，炒得好香。雞肉份量都幾多，如果想留肚食火鍋嘅話，都可以同店員講要少啲雞。個雞煲入面本身有芫荽嘅，但係因為我唔食芫荽，所以就走芫荽。大辣嘅雞煲對我黎講再正左，濃濃嘅雞煲配埋辣椒咁炒真係一流，麻辣嘅感覺超級開胃，食完都仲有胃口繼續食火鍋。火鍋我哋揀咗懷舊沙嗲湯底，沙嗲湯底係我同朋友都好鍾意揀嘅湯底。呢個湯底都好濃沙嗲味，仲食到好多蝦米。唔辣嘅但好香，啱晒朋友同我食。火鍋配料有好多，豬牛羊雞丸類菜類嗰啲唔使講啦，連魷魚青口帆立貝呢啲都有，咁得意嘅係仲有油鴨髀添。我哋都叫咗啲肥牛、生菜、金菇、生根、蟹子丸、芝心丸、芝士波波腸、青口、帆立貝。味道同質素都唔錯！肥牛都幾香牛肉味。飲品選擇都幾多，除咗平時常見嘅啤
今日上天地堂，中間有成四個鐘lunch time，都唔知食咩好，就同同學去咗旺角呢間二鍋頭，食任食嘅雞煲+火鍋。
Lunch time過嚟食真係幾抵，雞煲同火鍋都任食，都只係$148一位。仲要每次加雞煲，都係成個煲換俾我哋。所以，雖然我朋友唔食辣，我哋食左一煲唔辣嘅雞煲之後，我地又加咗個大辣嘅雞煲比無辣不歡嘅我食。
其實就算唔辣都幾好食嘅，雞煲個汁味道好濃，店員再喺我哋面前用洋蔥同蒜炒起個雞煲，炒得好香。雞肉份量都幾多，如果想留肚食火鍋嘅話，都可以同店員講要少啲雞。個雞煲入面本身有芫荽嘅，但係因為我唔食芫荽，所以就走芫荽。
大辣嘅雞煲對我黎講再正左，濃濃嘅雞煲配埋辣椒咁炒真係一流，麻辣嘅感覺超級開胃，食完都仲有胃口繼續食火鍋。
火鍋我哋揀咗懷舊沙嗲湯底，沙嗲湯底係我同朋友都好鍾意揀嘅湯底。呢個湯底都好濃沙嗲味，仲食到好多蝦米。唔辣嘅但好香，啱晒朋友同我食。
火鍋配料有好多，豬牛羊雞丸類菜類嗰啲唔使講啦，連魷魚青口帆立貝呢啲都有，咁得意嘅係仲有油鴨髀添。
我哋都叫咗啲肥牛、生菜、金菇、生根、蟹子丸、芝心丸、芝士波波腸、青口、帆立貝。味道同質素都唔錯！肥牛都幾香牛肉味。
飲品選擇都幾多，除咗平時常見嘅啤酒同汽水之外，連鴻福堂涼茶都有。
平時食過任食火鍋都咪唔止$148 ，呢度任食火鍋不特止，仲任食埋雞煲都只係呢個價，真係好抵。食到飽一飽咁繼續去上下午嘅堂啦。
张贴
