泰源獅城風味

营业中

休息中

今日同媽媽去完旺角行街，經過呢間位於西洋菜南街嘅泰源獅城風味 就入去食過晚餐啦餐廳地方好大坐得夠晒舒服，兩個人都被安排咗坐四人卡位首先叫咗個二人晚餐入面已經有半隻海南雞 馬拉盞炒通菜 肉骨茶 份量夠晒大非常抵食首先嚟咗個前菜 竟然係枝豆 全部都夠晒新鮮，有豆香得來又夠脆海南雞已經預先去骨雞脾爽脆油香十足，雞肉嫩滑多汁 仲有馬來西亞特色嘅雞醬同埋黑醬油用嚟送飯一流馬拉盞通菜可以以一座山來形容 份量超級大 馬拉盞夠晒惹味 通菜索晒醬汁重頭戲肉骨茶 胡椒香十足 飲完成個人暖笠笠