最近同朋友食咗呢間潮汕牛肉火鍋放題，超級驚喜！正價時段$338，150分鐘可以慢慢歎，仲送海鮮拼盤，性價比極高！
🍲湯底選擇
呢度有八款自選湯底，店員推介潮汕牛骨湯。我哋試咗牛骨拼蕃茄湯底，牛骨湯清清地可以帶出潮汕牛肉嘅原汁原味，蕃茄湯就有好多新鮮蕃茄喺入面，夠晒入味。
🥩招牌手切牛肉
重點推介手切潮汕牛肉，有五個部位選擇：
• 匙柄 - 肉質軟嫩
• 吊龍 - 油花均匀
• 五花趾 - 帶點筋道，有咬口
• 雪花牛肉 - 油脂豐富
• 牛胸油 - 特別推介！連埋牛肉切，油脂平衡得剛剛好
除咗潮汕牛肉，仲有美國肥牛、牛板鍵，照顧唔同口味。另外仲有豬肉同醉雞件，選擇都幾豐富。
套餐仲有🦐海鮮拼盤（每位一份）：
· 鮑魚爽口彈牙
· 桶蠔幾肥美
· 海蝦都好新鮮
· 沙白無沙爽口
🍢小食配料
• 潮汕南乳炸雞翼 - 必食之選！
• 炸潮汕牛丸 - 外脆內juicy
• 自助區有近百款火鍋配料，超多選擇！
🍷飲品甜品
紅酒、白酒、指定啤酒任飲，仲有自家製港式奶茶、涼茶同冷泡茶。雪糕雪條選擇都算多，完美結束呢頓火鍋大餐！
以呢個價錢有咁多高質選擇，絕對會再encore！特別推薦比鍾意食牛肉嘅朋友！
