影片
更多
2020-09-17
1479 浏览
好難得終於等到限聚令可以回復4個人啦，即刻要約班friend出嚟大吃一餐。講到大吃一餐，無嘢好得過去食buffet。之前去過旺角仕德福酒店食自助餐都幾抵食，而且啲蠔好肥美，好掛住佢哋呀，所以決定再去幫襯。宜家仲有75折優惠添呀🤑。 一去到已經坐滿人啦，好彩book定位咋。一坐低，職員首先送上每人4隻蠔🦪，隻隻望落都好大隻，鮮甜肥美，雪一聲就吸咗落口。今期自助餐每位都會送「吉列虎蝦🦐伴鳳梨酸甜汁」，金黃香脆，味道酸酸甜甜。海鮮方面有我嘅「飛佛」松葉蟹腳🦀，仲有藍青口、凍蝦、大蜆、日式刺身(三文魚、吞拿魚、鱲魚、八爪魚)、 雜錦壽司🍣、中日式冷麵、煙三文魚、煙鴨胸、各式凍肉、莎樂美腸伴鮮茄、麻辣豬耳、螺肉伴豆腐、味付螺肉、自助沙律吧🥗，淨係食冷盤都已經飽得七七八八。熱食方面都好多，有比目魚🐟、煙肉忌廉芝士焗蠔、香煎鯖魚柳伴胡麻芥辣汁、胡椒牛肋片、黑醋排骨、三巴汁炒蜆、椒鹽海蟹、烤鴨腿伴BBQ汁、日式雜菜魚餅、三色黃薑肉鬆飯、雜菌香蒜欖油煮意粉、咕嚕雞球、雙花雲耳炒貴飛妃螺片。仲有大廚即切燒牛肉、即焗菠菜芝士焗蠔！每晚8：00 記得擔定凳仔等睇表演，全場會熄晒燈即場表演法式火焰香橙班戟，行慢
好難得終於等到限聚令可以回復4個人啦，即刻要約班friend出嚟大吃一餐。講到大吃一餐，無嘢好得過去食buffet。之前去過旺角仕德福酒店食自助餐都幾抵食，而且啲蠔好肥美，好掛住佢哋呀，所以決定再去幫襯。宜家仲有75折優惠添呀🤑。
一去到已經坐滿人啦，好彩book定位咋。一坐低，職員首先送上每人4隻蠔🦪，隻隻望落都好大隻，鮮甜肥美，雪一聲就吸咗落口。
今期自助餐每位都會送「吉列虎蝦🦐伴鳳梨酸甜汁」，金黃香脆，味道酸酸甜甜。
海鮮方面有我嘅「飛佛」松葉蟹腳🦀，仲有藍青口、凍蝦、大蜆、日式刺身(三文魚、吞拿魚、鱲魚、八爪魚)、 雜錦壽司🍣、中日式冷麵、煙三文魚、煙鴨胸、各式凍肉、莎樂美腸伴鮮茄、麻辣豬耳、螺肉伴豆腐、味付螺肉、自助沙律吧🥗，淨係食冷盤都已經飽得七七八八。
熱食方面都好多，有比目魚🐟、煙肉忌廉芝士焗蠔、香煎鯖魚柳伴胡麻芥辣汁、胡椒牛肋片、黑醋排骨、三巴汁炒蜆、椒鹽海蟹、烤鴨腿伴BBQ汁、日式雜菜魚餅、三色黃薑肉鬆飯、雜菌香蒜欖油煮意粉、咕嚕雞球、雙花雲耳炒貴飛妃螺片。
仲有大廚即切燒牛肉、即焗菠菜芝士焗蠔！
每晚8：00 記得擔定凳仔等睇表演，全場會熄晒燈即場表演法式火焰香橙班戟，行慢一步都無晒。班戟橙味濃郁，酸酸甜甜，仲有微微酒香味。
甜品款式數之不盡，首先門口有一座朱古力噴泉、仲有皇室麥卡邦芝士餅、黑芝麻無慕絲餅、班斕紅豆蛋糕、蘋果批、香芒鮮奶布甸🍮、乾酥餅拼南乳雞蛋餅、西洋菜蜜杞子大菜糕🧈、日式和菓子🍡、綠茶糯米糍、楊枝金露、雜錦慕絲、啫喱、布甸、雪糕🍨🍦、新鮮水果盤🍉🍍、即焗梳乎厘/杞子蛋撻、即製pancake，呢個即製pancake必食呀，師傅即製👩🍳，食落熱辣辣，又可以自己揀唔同配料！
飲品方面仲有特設即磨咖啡☕、茶🍵、汽水、果汁同成人免費啤酒任飲🍻，同朋友慢慢一邊食一邊飲就最perfect！
张贴
