「朱敏記小廚」主打川菜，無論係酸菜魚、烤魚、小龍蝦、麻辣乾鍋定係各類鑊氣小炒都應有盡有！一入到餐廳就聞到好大陣辣椒嘅香味，超刺激食慾！
🧡老壇酸菜魚（$138）
酸菜魚湯底好金黃色，多油，多酸菜，入口唔會好刺激，偏鹹辣，少少麻，就算唔係好食得辣嘅朋友仔應該都可以接受到！魚肉用油灼過，大塊結實，無骨易食，份量好多！配菜有娃娃菜同紅薯粉，份量同樣好足！
🧡小炒皇（$98）
小炒皇都好大碟，有炸魷魚、蝦乾、果仁同韭菜花！炒得好夠鑊氣，收汁收得夠乾身，食落好香口！唯一有少少美中不足就係唔夠熱，如果係即炒起應該會更好食！
🧡桂花糯米藕（$58）
見桂花同糯米藕片呢個配搭幾特別，所以就嗌咗嚟試試~糯米藕片口感煙煙韌韌，味道甜甜地，充滿桂花香，超級解辣，都幾特別！
