華記潮州滷水車仔麵

营业中

休息中

位於西營盤正街嘅華記車仔麵，其實係太子都有間分店，鋪頭位置唔算好多，但係坐落都舒適企理。太陽餅 $40唔好以為係台灣嘅太陽餅甜品，呢一款係蝦餅，香脆可口，咬入去蝦味好出同埋好彈牙。新鮮魷魚鬚 $45彈牙香口，滷水汁包裹住，唔算太重口味。滷水蘿蔔牛雜 $68話就話係一人份，但我哋兩個人都差啲食唔晒。牛腸唔係好肥，而且咬落爽口，處理乾淨之餘仲好有滷水味。牛肺牛膀都大大舊，滷水汁撈埋口感好豐富。四餸車仔麵 $58牛腩、牛筋、牛丸、豬腩肉加埋個烏冬底，不得了。牛腩好嫩滑，有好濃郁嘅牛味。牛筋肉質結實，有咬口之外仲感覺到充滿膠原蛋白。而豬腩肉我揀左半肥瘦，好嫩滑而且好香。總括嚟講，雖然價錢比起其他車仔麵餐廳都稍為貴少少，但係以食材來講， CP值好高。