每次放題第一round必食刺身！呢度嘅刺身比起其他餐廳更加多種類，真係啱晒每一個人嘅胃口！我地叫咗三文魚、油甘魚、帶子、赤貝、象拔蚌等。刺身厚切鮮嫩，鮮味濃郁，貝類亦厚肉爽脆，好新鮮，抵食！
壽司有經典壽司或者火炙壽司！我哋食咗海膽手卷、花之戀及幾款火炙壽司！魚生新鮮、飯香微酸，火炙油脂滲出更香口！其中佢嘅雙層芝士鰻魚玉子燒相當特別，濃郁嘅芝士，鰻魚嘅甘香，配搭玉子嘅清爽，層次豐富😋
燒物和串燒方面，牛舌、雞軟骨全部都鹹香惹味，熱辣辣口感更佳；「經典燒物」焗蠔表現同樣出色，肉汁鮮美，絕對適合鍾意食啖啖肉嘅朋友。炸物方面食咗炸蠔、薯角、麥樂雞、炸蟹鉗、仲有炸芋丸，再加埋多款嘅前菜，真係淨係食呢啲都目不暇給！
熟食方面更加令我驚喜。佢嘅選擇真係十分廣泛，連酸菜魚同蟹黃粥都有！老實講，黎一次真係試唔晒所有嘢！再加埋甜品都已經有好多款，除咗一杯杯嘅雪糕之外，亦都有唔同嘅精緻甜品選擇！
總括而言，呢間放題餐廳可以話係我見過最多款式選擇嘅，絕對啱晒唔同朋友嘅口味，可以話係啱晒家庭、朋友聚會！
