Plato Cafe & Bistro (吳松街)

放假🏖️約埋好友閒街後，就在附近搵食，大家都想食下西餐，見到Plato Cafe & Bistro餐牌食物都唔錯，就進入開餐囉😚。餐廳環境ok，食物質素同店員服務都唔錯。點左晚餐，前菜、餐湯、主食、飲品🥤同甜品🍧。餐湯夠熱幾好飲。煙三文魚凱撒沙律，三文魚有點煙燻味，配新鮮沙律菜，開胃清新又健康。澳洲肉眼牛扒，牛扒點左🥩5成熟度，容易切開肉汁豐富, 肉質柔軟點埋附上嘅醬汁更加分，配搭整個薯仔🥔同沙律菜，營養配搭得宜。北海道帶子松露野菌意粉，有3粒煎得香口嘅帶子，松露醬汁均勻的每條意粉都沾上，熱辣辣整得幾好味😋。老友點了熱蜂蜜柚子蜜，我則要了杯凍檸茶解解油膩。