天氣越來越熱，放工唔知食咩好，專門openrice下點知比我搵到呢間新開業既雞翼專門店，雖然舖仔細細，無堂食位，全部都要外賣，或者放喺出面“粉紅色樓梯”上面食，但本身雞翼味道同質素已經戰勝所有所謂“唔方便”既條件喇！
沿著黃埔站出google map路線行5分鐘以內，就喺轉角位見到呢間少女味爆棚既“雞翼山”喇！好多人排隊啊！
款款都想食，但兩個人實在食唔到咁多，於是聽店員哥哥推薦，食左以下四款雞翼：文青風玫瑰雞翼，淡淡的玫瑰sauce唔知點解覺得好浪漫添啊哈哈（sorry諗多左）。
仲有咸檸七雞翼（左下，真係有舊咸檸檬喺隔離）、熱情果寶寶雞翼（右上，有新鮮熱情果籽好厲害！），同埋檸香山葵蟹籽雞翼（左上，小小honey mustard既感覺）。
原本朋友問我：「女仔食咁多雞翼咁多激素，會唔會唔係幾好？」，但後來發現佢地全部用無激素雞翼做，就超級放心了哈哈。仲配有手套，等大家盡情食雞翼，都幾貼心架！真係唔使儀態！
仲有仲有，咁熱就決定整杯透心涼野飲，我一杯青瓜特飲，朋友一杯Skyblue特飲，喂喂喂，唔係講笑，真心好fresh，唔會好甜，another thumbs up！！！
