壽司郎 (黃埔天地)

個人都鍾意食壽司郎，因為佢啲壽司款式比較多，同埋個質素亦都比較好。但每次去好多時都好多人排隊，所以通常都係三四點嗰啲時間去就可以唔使排， 佢啲壽司一嚟比較新鮮，價錢亦都好貼地， 食物質素亦都好過其他集團式嘅壽司店， 至少未見過佢哋件壽司送到嚟嗰陣件魚生同舊飯係分開。😳😳

今次就點咗赤蝦、油甘魚、三文魚，仲有佢地好多時期間限定嘅三文魚籽茶碗蒸，赤蝦都好新鮮，唔會食到有腥味同埋肉質都唔係黴。

另一個原因好鍾意食壽司郎就係除咗佢哋壽司新鮮，佢哋做嘅甜品都好好食，好高質，同埋好多時都會有新款推出，呢個抹茶巴菲都好好食，有抹茶蕨餅同埋紅豆蓉喺上面， 之後中間有啲綠茶嘅mousse同埋有啲cereal脆脆，仲有呢個被封為係壽司郎名物嘅奶茶味catalana，好香濃嘅奶茶味，而件catalana texture亦都好rich，同埋有一樣嘢比較好就係佢細細件食咗都唔覺得好漏。👍🏻👍🏻👍🏻