壽司郎 (黃埔天地)

位於黃埔的壽司郎一直是性價比高的迴轉壽司選擇。這次試了碟魚鰭邊三貫、炙燒牛油凡立貝及松葉蟹肉軍艦，整體表現穩定，味道不俗。碟魚鰭邊三貫油脂豐富，入口即化，魚香濃郁，配上微酸的壽司飯，味道平衡。炙燒牛油凡立貝則帶有淡淡焦香，牛油香氣滲入貝肉，口感滑嫩，是店內炙燒系列的亮點之一。松葉蟹肉軍艦蟹味鮮明，蟹肉細緻，搭配海苔與飯粒，層次分明。環境：店內乾淨整齊，座位寬敞，適合與朋友聚餐。 價格：屬中價之選。 食物質素：食材新鮮，火候掌握得宜，味道穩定。 食物種類：選擇多樣，定期推出限定款式，值得留意。如果你喜歡油脂豐富的魚類或炙燒系列，這三款壽司是值得一試的組合。下次不妨留意他們的季節限定新品。…查看更多

個人都鍾意食壽司郎，因為佢啲壽司款式比較多，同埋個質素亦都比較好。但每次去好多時都好多人排隊，所以通常都係三四點嗰啲時間去就可以唔使排， 佢啲壽司一嚟比較新鮮，價錢亦都好貼地， 食物質素亦都好過其他集團式嘅壽司店， 至少未見過佢哋件壽司送到嚟嗰陣件魚生同舊飯係分開。😳😳今次就點咗赤蝦、油甘魚、三文魚，仲有佢地好多時期間限定嘅三文魚籽茶碗蒸，赤蝦都好新鮮，唔會食到有腥味同埋肉質都唔係黴。另一個原因好鍾意食壽司郎就係除咗佢哋壽司新鮮，佢哋做嘅甜品都好好食，好高質，同埋好多時都會有新款推出，呢個抹茶巴菲都好好食，有抹茶蕨餅同埋紅豆蓉喺上面， 之後中間有啲綠茶嘅mousse同埋有啲cereal脆脆，仲有呢個被封為係壽司郎名物嘅奶茶味catalana，好香濃嘅奶茶味，而件catalana texture亦都好rich，同埋有一樣嘢比較好就係佢細細件食咗都唔覺得好漏。👍🏻👍🏻👍🏻…查看更多

平時食壽司郎都覺得水準好穩定，今日悶悶地，做完嘢就去食返個tea見到有新嘢就試吓，因為我不嬲食開 炙燒三文魚、鹽燒三文魚腩、三文魚籽軍艦、炙燒左口魚裙邊，炙燒雙螺，同埋茶碗蒸🤭先嚟北極岩魚$17 ，冇魚味冇魚油香佢其實係食咗個零呀！ 😂之後就係三文魚半敲燒，其實都係啲巧立名目嘅嘢！就係烤三文魚，但係乾身少少🤭睇圖都知冇乜魚油 $17/2舊，比起普通嘅三文魚貴咗$5，但佢依家好似做緊promo $10一碟生既三文魚🍣（我唔食生既三文魚，所以可能記錯）之後就到象拔蚌，一件係生，另一件係烤嘅，用鼻聞過唔臭，無炙燒味👀兼唔覺得新鮮因為食落冇乜爽口感，但係肉質清甜！$17有兩舊算係咁～我覺得新款真係唔及舊款，因為舊款性價比高，又好味啲，三文魚、左口魚裙邊又有魚油香，雙螺爽口又炙燒味好出，大推三文魚子軍艦，$22有兩舊，好味😋…查看更多

成日都好想食壽司郎，但係次次見到大排長龍都放棄咗今日五點幾喺黃埔附近做完嘢，見到壽司郎等20幾張枱就有得食，就試吓排隊結果等咗半個鐘就可以入座，入座起1小時要還枱，所以要食得快用iPad落單，款式好多，限定嘅款式都係大概$20左右，非常抵食其中最鍾意嘅都係佢嘅季節限定，$19三件蝦壽司非常之抵食鵝肝壽司亦都係encore之選，鵝肝粉粉嫩嫩食落唔會好滯，一個人食咗四嚿咁多，食到六點幾差唔多七點已經賣晒小朋友叫咗茶碗蒸嚟食，估唔到平凡嘅茶碗蒸又整得幾好食喎，個汁好鮮甜，仲有勁多海鮮，十分之推介…查看更多

入到壽司郎 但係鵝肝壽司冇貨所以入到去都有少少失望 不過唔緊要啦照食見到而家茶碗蒸竟然有凍嘅 上面啫喱狀嘅物體應該係啲雞湯或者佢哋個湯變咗做啫喱入面都算係足料 本身有嘅材料例如帆立貝、蝦、毛豆等等都有不過硬係覺得食落去怪怪地 建議大家食返熱嘅跟住新出個蛋糕就聲稱係用賴戶內嘅檸檬🍋 係都OK好食嘅不過未至於好surprise / 好特別…查看更多

夜晚唔知食乜嘢好，因為收工時間比較早，見到壽司郎係唔需要排隊就可以入去食啦。所以，我諗都冇諗到就衝咗入去食。一入到去撳部平板電腦，就見到佢原來已經係出咗八月餐單啊，八月餐單最大嘅特色就係有一隻新嘅顏色碟，就係白色顏色碟，只係價值港幣$10 ，的確幾抵食，但係選擇就唔多。講返食物先，今次叫咗兩款三文魚，一款係紅碟港幣$12 ，另一款係銀色碟港幣$17 ，的確係貴啲嗰款三文魚係好食啲魚肉亦都厚身啲。另外仲有叫咗吞拿魚都好好味。…查看更多

呢間壽司郎幾好，人唔多，再次encore。野食質素好，佢啲刺身壽司都幾唔錯，櫻花蝦壽司既料算多，海膽都幾鮮甜，吞拿魚超肥美，仲有最鍾意食嘅蟹柳壽司，估唔到佢哋嘅雪糕都咁好味，食咗咁多嘢都係七百幾蚊，好抵。…查看更多

很久沒到壽司郞，下午時分，到了黃埔的「壽司郞」，拿取籌號後，只等了約二十分鐘，就可進入。餐廳使用平板電腦點餐： 軟煮鮑魚入口軟嫩、彈牙。特盛紅楚蟹海苔包海苔的脆脆，紅楚蟹的鮮甜，加上中間香甜的壽司米飯，層次豐富。水煮松葉蟹腳蟹肉鮮嫩，入口即化。海螺雙味二種不同食法，各有特色。蝦三味一次過品嚐三款蝦，正！貝三味（北寄貝、赤貝、海螺）略嫌赤貝有點腥味。南瓜天婦羅如可脆一點會更好。叫埋雪糕做甜品，滿足晒!…查看更多

好耐之前嚟過壽司郎，小朋友想食壽司，決定再次去食。睇個Apps諗住預約，點知唔俾，只係睇到邊間分店少人拎飛，去到黃埔呢一間又唔係嗰回事，俾個Apps呃咗。等咗一個鐘，終於入得，原來仲有限時，限時75分鐘，好癲。但佢嘅壽司都算幾高質，刺身壽司都鮮，三文魚壽司夠肥滿，炸蝦壽司唔會多粉，蟹柳壽司甘大條，埋單都係五百幾，性價比非常高。…查看更多

我相信大家一定會將壽司郎同攞飛等位聯想一齊。但今日既我十分之幸運，能夠一去到攞飛，即刻有位入去，而且我當下係超級肚餓，所以我真係好幸運，亦都好感恩，想食即刻有得食既感覺。燒鱈魚子配忌廉芝士軍艦螢光魷魚沖漬軍艦鯖魚押壽司坐低叫左十幾樣食物，其實好快上枱，而且環境清潔價錢又實惠好難唔幫襯。希望將來嘅日子都係一去到就有得食，咁就好啦。而且記住食完之後可以吸印仔，將來可以換到少少禮物。氹吓我兩個女 ，都不知幾開心。…查看更多

i feel like the hype of sushiro is fading and i’m glad that it also means a shorter queue and wait time.visited the whampoa branch at 4pm on a saturday and we only waited for 5 mins! ordered a lot and it was $200pp. not super cheap but v reasonable. similar price and quality as genki i’d say. sushiro has better desserts but genki has a membership system which always makes the bill cheaper as a person that doesn’t eat sashimi, i rly like their desserts (i can have 3 at a time!) and hope that they’ll come out with more cooked food :)…查看更多

壽司最緊要食材新鮮，咁呢樣嘢我諗壽司郎比起元X 同埋爭X好好多係不爭的事實==============================鍾意佢：1) 種類繁多，切合各種口味和喜好。無論是握壽司、切壽司還是手握壽司都應有盡有2) 每次去都點吞拿魚和三文魚壽司，濃郁的魚香味和柔軟的口感，色澤唔錯，油脂豐富，當然拖羅係最正3) 服務態度友善，非繁忙時間都坐得幾舒服4) 有幾種醬油揀，就算食一碟壽司都可以變兩種風味==============================…查看更多

黎到黃埔行左陣行完就開始搵下野食，7點半既時間咁就諗住食壽司郎，反正呢間未食過咁就想試下，點知就中招了。7點半等有140張台，因為未食過就以為都可能一個鐘就有位啦，有啲係唔駛一個鐘就有，點知等到9點幾先有位。。。最後2130 last order 等20分鐘時間點野食，所以就要點得好趕，而且都會因為點左2至3 rd 就lock system 所以成個點餐變得更加趕，要壽司黎到先可以再點了。。。壽司方面，其實都唔算大舊，而且啲飯都容易散，夾起就有啲散左，壽司又唔夠凍，當然唔計火灸壽司，個人覺得食壽司夠凍先好食原因之一，呢個真係比較失望，只係蟹棒算比較凍啲之外，其他都唔夠凍。而且都因為2200關門，所以今次叫得急，都食得急了。。。…查看更多

今日堂食見到有兩款可愛便當，揀咗三文魚子熊貓🥰份量都唔少，有好多餸，幾好食😋個便當除咗靚仲好有手感，可以用來做食物盒。另外叫咗其他款式的壽司，都好味，價錢合理。…查看更多

每次想放開個胃食，又唔想出咁遠，就會去壽司郎！總有一間係左近！每次見佢出新嘢，又會心郁郁想去試🤣🎄12月限定✨黑鮪吞拿魚鮫腩（極稀有部份） $27 👍🏻👍🏻👍🏻佢嘅油份好足，都好均勻😋好食到令唔食吞拿魚嘅我都食晒成舊🤣✨三文魚蓉拌海鮮軍艦 $12 👍🏻👍🏻全口都係綿密嘅三文魚🥰不過我就唔係好食得出其他海鮮✨綿綿脂海鰻 $17👍🏻👍🏻👍🏻為咗試吓綿綿脂海鰻同普通鰻魚嘅分別，特登點左原條海鰻比較下。一試真係好軟好綿～🤤比較厚身，呢個口感好食過普通鰻魚！✨濃厚練乳布甸 $22👍🏻👍🏻好香好超濃郁！☺️不過係偏甜咗少少，同埋佢面頭嘅士多啤梨醬係有啲假嗰種🤣但都無阻我哋飛快食晒成個！✨栗子蒙布朗蛋糕 $22👍🏻呢一個麻麻哋，都係比較甜～栗子味唔算太出！🙈⭐️必食推介✨ 炙燒鹽味三文魚 $12👍🏻👍🏻👍🏻香港人最鍾意食嘅三文魚一定唔少得🥰呢個係我食過咁多款三文魚入邊我最鍾意嘅味道！佢保留左三文魚本身嘅鮮味，但又有炙燒嘅味道。仲要佢嘅肉質係介乎於生同熟之間😍表面食咗少少但係入面都係超級滑同軟！再加埋少少嘅海鹽味，完全唔使點豉油食返佢本身嘅鮮味已經好好食！✨茶碗蒸 $19 👍🏻👍🏻👍🏻每次必點！壽司郎全部都係啲生冷嘢，食得多都想暖一暖個胃！入邊都超足料，香菇、少少魚肉、仲有大大粒帆立貝😋✨ 醬烤鰈魚鰭邊 $12 👍🏻👍🏻👍🏻佢姐係比目魚，醬烤之後表面微焦，超有油脂香味🤤✨日本產帆立貝 $17👍🏻👍🏻超大粒而且好鮮甜！😍✨茄子田樂味增 $12 👍🏻👍🏻日本人係超鍾意點呢一個食！基本上係每次必食！不過作為香港人嘅我成日都覺得呢個好似唔係好抵🤣點佢不如點舊肉⋯但係我錯了！佢係真係燒得幾好食！幾香口，係非一般嘅茄子🤣大家可以都試吓！✨ 牛奶味軟雪榚 $17👍🏻👍🏻👍🏻超級鍾意食呢個雪糕！牛奶味超重又唔會太甜～一個雪糕三種食法：先試下個牛奶原味🥛，然後我會搣碎塊曲奇，變咗麥旋風味🍪，跟住再會到啲抹茶粉落去，變咗濃濃嘅抹茶味雪糕🍵…查看更多