午市都幾多人，好彩我一早book左枱。午市有套餐供應，我同朋友各自點左個咖哩豬扒湯檬同鮮黃牛脊湯粉，配越南春卷同雞絲粉皮。我食既係咖哩豬扒湯檬，咖喱湯底好香同好惹味，令人食得開胃，少少辣，都幾好食。另外春卷味道亦都唔錯，不過我估廚房擺左一陣先拎出黎，略嫌覺得唔夠熱，如果無擺涼左應該會更加好食。
朋友既鮮黃牛脊湯粉，我只係試左啖湯，牛味濃郁好香口，見朋友意見都話滿意，雞絲粉皮唔係我杯茶，我就無試到。
跟餐我仲跟左杯鹹檸檬蜜，第一次飲我覺得幾特別，味道都幾好飲，唔使成日飲汽水茶啡咁單調。
整體黎講都滿意，價錢同食物質素都ok，有機會會再幫襯。希望葵芳可以有多d呢類唔同菜式既餐廳可以選擇。
