影片
更多
2022-01-16
3023 浏览
今日心血來潮想食上海嘢，結果由銅鑼灣行咗去灣仔，就係為咗食呢間三六九嘅擔擔麵~\(≧▽≦)/~ 啱啱係lunch time嘅時段，心諗一定會好多人啦😓點知好好彩，完全唔使等位，可能因為疫情啦，好多人都係買外賣，或者係在家工作。 我同我個friend完全係大食鬼上身，嗌左勁多嘢。 我哋嗌左一碗擔擔麵($43)，一碗菜肉雲吞($41)，10隻小籠包($68)，仲要臨尾嗌多咗個烤麩($54)，加多咗一杯豆漿添🤪 (PS: 我記得明明影咗個Menu，唔知點解搵唔番張相。唔知係咪唔小心delete咗🥲) 個烤麩好好食，味道調得好好，份量都好合理。不過佢次次都冇令我失望，佢今次仍然係我強力嘅推介！ 但今次個小籠包就一般般，我覺得佢嘅肉汁唔夠味，裏面唔夠湯。 不過最大鑊係佢個菜肉雲吞，雲吞皮勁大片，但個餡得嗰少少。因為我係第一次食佢哋嘅菜肉雲吞，所以我唔佢哋係變咗吖，定係一路都係咁╮(￣▽￣"")╭ 總之就係非常失望。 到我最期待嘅擔擔麵，碗擔擔麵我嗌咗小辣，點知上嚟嘅時候一小小辣味都冇。不過唔緊要！ 但係碗麵嘅麵質完全係好似已經煮咗喺度一陣咁，再淥返熱俾你食，麵質淋到阿媽都唔認得，好好好失望
啱啱係lunch time嘅時段，心諗一定會好多人啦😓點知好好彩，完全唔使等位，可能因為疫情啦，好多人都係買外賣，或者係在家工作。
我同我個friend完全係大食鬼上身，嗌左勁多嘢。
我哋嗌左一碗擔擔麵($43)，一碗菜肉雲吞($41)，10隻小籠包($68)，仲要臨尾嗌多咗個烤麩($54)，加多咗一杯豆漿添🤪
(PS: 我記得明明影咗個Menu，唔知點解搵唔番張相。唔知係咪唔小心delete咗🥲)
個烤麩好好食，味道調得好好，份量都好合理。不過佢次次都冇令我失望，佢今次仍然係我強力嘅推介！
但今次個小籠包就一般般，我覺得佢嘅肉汁唔夠味，裏面唔夠湯。
不過最大鑊係佢個菜肉雲吞，雲吞皮勁大片，但個餡得嗰少少。因為我係第一次食佢哋嘅菜肉雲吞，所以我唔佢哋係變咗吖，定係一路都係咁╮(￣▽￣"")╭ 總之就係非常失望。
到我最期待嘅擔擔麵，碗擔擔麵我嗌咗小辣，點知上嚟嘅時候一小小辣味都冇。不過唔緊要！
但係碗麵嘅麵質完全係好似已經煮咗喺度一陣咁，再淥返熱俾你食，麵質淋到阿媽都唔認得，好好好失望。而且個湯完全冇味，唔講都唔知係擔擔麵。
最尾不得不講呢杯豆漿，我第一啖飲，感覺唔係自家製，而係飲緊街邊嘅精製豆漿(百佳惠康買嗰啲)，我諗冇人會期望喺一間正宗嘅上海老鋪，飲到咁嘅質素嘅豆漿。後來竟然俾我睇到佢蒸爐隔離個雪櫃度，放咗最少四盒百福豆漿🤦🏻♀️我錯，如果早知係咁，我一定會飲可樂。
(PS: 我發雞盲搵唔到餐牌上面有寫豆漿果欄，唔清楚佢哋有冇寫明係百福豆漿，定係自家製豆漿，定係普普通通咁只係寫豆漿呢兩個字。又係我錯！)
結果埋單$243，我覺得短期之內，唔會再有下次。或者遲啲、再遲啲、再遲啲啲，我先會再俾多次機會佢。
茶$3一位
张贴
