買左一杯$58單球雪糕，一杯花茶熱茶，總共$100
我係下午3:45pm呢段時間光顧其實唔多人，我食左兩啖雪糕，經理叫我唔好坐係佢地餐廳既枱度食，叫我企出門口食，如果要繼續坐係度食要加$21。
我買杯茶坐係度食雪糕就唔得，一定要我俾$79食一球雪糕先可以坐低食，我嬲到爆，咁我話：「咁我唔食啦」咪擺低左個雪糕，我淨係飲茶，咁就可以繼續坐低喎。👍🏻究竟係乜野離奇制度？
重點一：個mint gelato其實已經好難食，佢餐廳整一個梳乎厘pancake要45分鐘😱咁我咪唯有食呢個難食既雪糕頂住檔
重點二：當時我坐張枱根本無客，隔離前後兩張枱都係吉既，無人坐，我買左野食坐係度都要趕我走，其實我係咪真係食霸王餐無俾錢先？
重點三：我好聲好氣話我係隔離趕住做野，我食10分鐘就走啦，佢話唔得，一就係餐廳門口企係度食，一就俾多$21
多謝，你地咁唔識變通既經營方式，怪不得愈執愈多，得返兩間分店都仲咁串，希望將來係香港唔洗再見到呢間雪糕店。
