Park café

官網突然又做買一送一。。。所以即刻買咗你試吓。。。計落價錢就好抵啦。。518+51.80+51.80=621.60(兩位晚餐自助餐）今晚可能係平日所以只有八成滿。。。而家係四人限聚座位安排尚算OK。。枱與枱之間唔算太近。。幸運地被安排坐了四人枱。。。所以整晚都食得好舒服。。6:20開始入座。。。掃個安心碼或者填紙仔就有職員安排。。當然即時出去睇吓啲食物啦😍。。首先睇吓凍海鮮。。主要都係長腳蟹🦀青口蜆凍蝦🦐。。另外一個主角當然係生蠔🦪任食啦。。刺身方面有五種。。三文魚。雕魚。希靈魚。象拔蚌。蟹腳。。熱薰方面都很多選擇。。我就特別鍾意焗生蠔🦪。。今晚仲有蟲草花烏雞燉湯。。當然仲有燒牛肉🐮同埋片皮鴨🦆。。。6:30就開始出去攞嘢食。。。今晚呢場食客都比較斯文。。。而且唔會大手掃貨。。生蠔雖然唔係廚師即開。。每次攞兩隻。。源源不絕咁派比食客冇欺場。。凍海鮮🦀🦐幾次行出去都是滿滿的。。原來買一送一嘅客人仲額外有一張卡仔。。出去燒烤區每人有一份半隻芝士焗龍蝦🦞和一隻蠔汁鮑魚。。。由於樣樣食物都不用等。。所以基本上未到八點已經好飽😆😆😆😆去到8:30仲有一個火焰雪山。。可惜我掛住食Miss咗睇佢點火